قازاقستاندا مەملەكەتتٸك ەلتاڭبانى ٶزگەرتۋ مەسەلەسٸ بويىنشا ساراپشىلار پۋلى قۇرىلۋى مٷمكٸن, دەپ حابارلايدى Dalanews.kz.
بۇل تۋرالى پرەمەر-مينيستر ولجاس بەكتەنوۆ مەلٸمدەدٸ. ونىڭ ايتۋىنشا, قازٸرگٸ تاڭدا ەر سالادان ارنايى ماماندار جاساقتالىپ جاتىر.
"بٷگٸندە مەملەكەت باسشىسى قاسىم-جومارت توقاەۆتىڭ ۇلتتىق قۇرىلتايدا العا قويعان مٸندەتتەرٸن جٷزەگە اسىرۋ بويىنشا كەشەندٸ ٸس-شارالار جوسپارى بەكٸتٸلدٸ. قازٸرگٸ تاڭدا مەملەكەتتٸك ەلتاڭبانى ٶزگەرتۋ مەسەلەسٸن تالقىلاۋ ٷشٸن دەپۋتاتتار مەن قوعام قايراتكەرلەرٸ, تاريح, فيلولوگييا, ارحەولوگييا, انتروپولوگييا جەنە ەلەۋمەتتانۋ سالاسىنىڭ عالىمدارى اراسىنان ساراپشىلار توبى جاساقتالىپ جاتىر. بارلىق اسپەكتٸنٸ وبەكتيۆتٸ قاراستىرۋ ٷشٸن ورتاق پٸكٸرگە كەلسەك, مەدەنيەت جەنە اقپارات مينيسترلٸگٸ جانىنان كوميسسييا قۇرۋ جوسپارلانۋدا", - دەدٸ بەكتەنوۆ مەجٸلٸس دەپۋتاتتارىنىڭ ساۋالىنا جاۋاپ بەرە وتىرىپ.
ەسكە سالايىق, بۇعان دەيٸن ۇلتتىق قۇرىلتايدا مەملەكەت باسشىسى قاسىم-جومارت توقاەۆ ەلتاڭابانى ٶزگەرتۋ كەرەك ەكەنٸن, ول كەڭەس زامانىنداعى گەربكە ۇقساپ قالاتىنىن مەلٸمدەگەن ەدٸ.
بۇل ۇسىنىستان كەيٸن قوعامدا ەلتاڭباعا قاتىستى قىزۋ پٸكٸرتالاس باستالىپ كەتتٸ.
Dalanews.kz تٸلشٸسٸ ساراپشىلارمەن سۇحباتتاسىپ, ەلەۋمەتتٸك جەلٸدەگٸ وسى تاقىرىپتاعى جازبالارعا دا شولۋ جاسادى.
پرەزيدەنت ەلتاڭباعا قاتىستى پٸكٸرٸندە "ەكلەتيكا" سٶزٸن قولدانادى. بۇل سٶزدٸڭ اشىق دەرەككٶزدەگٸ ماعىناسىنا نازار اۋدارساق, ارحيتەكتۋرا مەن بەينەلەۋ ٶنەرٸنە الۋان ٷلگٸدەگٸ كٶركەم ٶنەر ەلەمەنتتەرٸن تۇتاستاي تالعامسىز قولدانۋ دەگەندٸ بٸلدٸرەدٸ ەكەن.
"ەلتاڭبامىزعا قاتىستى سىني پٸكٸرلەر ايتىلىپ قالادى. ونى كەڭەس زامانىنداعى گەربكە ۇقساتىپ جاتادى. تىم ەكلەكتيكالىق, كٷردەلٸ دەيدٸ. مۇنداي ويدى ەل ٸسٸنە بەي-جاي قارامايتىن بەلسەندٸ ازاماتتار عانا ەمەس, ماماندار دا ايتىپ جٷر. ورىندى پايىمدار ەسكەرۋسٸز قالماۋى كەرەك.
ورتاق كەلٸسٸمگە كەلگەن جاعدايدا ارناۋلى كوميسسييا قۇرۋعا بولادى. بۇل كوميسسييا مەسەلەنٸ جان-جاقتى قاراستىرىپ, قوعامدىق تالقىلاۋ ٶتكٸزەدٸ. سوسىن قازاقستاننىڭ جاڭا ەلتاڭباسىنىڭ جوباسىن جاساۋعا اشىق بايقاۋ جارييالانادى", - دەدٸ توقاەۆ.
ال تاريحشى, پروفەسسور بەرەكەت كەرٸباەۆ ەلتاڭبادا كٶڭٸلگە جاقپايتىن ەشتەڭە جوق دەگەن پٸكٸردە.
"جەكە ٶز باسىم قر ەلتاڭباسىنان سٶكەت, كٶڭٸلگە جاقپايتىن ەش نەرسە كٶرٸپ وتىرعان جوقپىن. وسى يدەيانى پرەزيدەنتكە ۇسىنعان كەڭەسشٸلەردەن سۇراۋ كەرەك. مەنٸڭشە, گەربتٸ ٶزگەرتكەنمەن ەشتەڭە ٶزگەرمەيدٸ, وعان كەتەتٸن اقىل-وي مەن كٷش- جٸگەردٸ, بارلىق ماتەريالدىق, قارجىلاي شىعىنداردى باسقا ماقساتقا, باعىتقا جۇمساۋ كەرەك", - دەدٸ پروفەسسور.
ساراپشى باياۋجۇما اسىلبەك بۇل تالاسقا پٸكٸر بٸلدٸردٸ.
"جالپى ٶزٸم ەلتاڭبانى ٶزگەرتۋگە قارسىمىن. بٸرٸنشٸدەن, ەلتاڭبادا 40-تان اسا ەلەمەنت بار. ۋىقتان, شاڭىراقتان باستاپ پىراققا دەيٸن بٷكٸل ۇلتتىق بولمىسىمىزدى, قازاقيلىعىمىزدى, تاريحتى كٶرسەتٸپ تۇرعان دٷنيە. بەس جۇلدىز قىتايدىڭ دا, تٷركييانىڭ دا, امەريكانىڭ دا تۋىندا بار. بەس جۇلدىز قازاقتىڭ جۇلدىزى جارقىراي بەرسٸن, بيٸكتە تۇرسىن دەگەندٸ بٸلدٸرەدٸ. تەمٸرقازىق دەگەن جۇلدىز بار. سونى بٸلدٸرەدٸ. سوندىقتان دەل قازٸرگٸ ۋاقىتتا مەملەكەتتٸك رەمٸزدەردٸ ٶزگەرتۋدٸڭ ەشقانداي قاجەتٸ جوق.
1991 جىلى بٸزدٸ اتامەكەنگە سوناۋ موڭعولييادان شاقىرىپ ەكەلگەن وسى كٶك تۋ مەن ەلتاڭبامىز بولاتىن. ەلتاڭبا مەن كٶك تۋ جٷرەگٸمٸزگە ٶتە جاقىن.
ماماندار ەسەپتەپ جاتىر عوي, ەلتاڭبانى اۋىستىرۋدىڭ ٶزٸندە ميللياردتاعان تەڭگە قاراجات قاجەت بولادى. بارلىق بالاباقشادان باستاپ مەملەكەتتٸك مەكەمەلەردٸڭ ەلتاڭبالارىن اۋىستىرۋعا تۋرا كەلەدٸ. بۇل دا قيىن ەكونوميكالىق داعدارىس تۇسىندا ەشقانداي پايداسىز دٷنيە.
بٸزدٸڭ ەلتاڭبامىز امەريكانىڭ حالىقارالىق زەرتتەۋٸندە ەڭ ەسەم ەلتاڭبا رەتٸندە 9-ورىندى الادى. سوندىقتان بٸز كەرٸسٸنشە مەملەكەتتٸك رەمٸزدەرٸمٸزدٸ جاستارعا ناسيحاتتاۋىمىز كەرەك. ەلتاڭبا مەن تۋىمىز برەند بولىپ كەتكەن, وسى ارقىلى بٷكٸل دٷنيەجٷزٸ تانيدى.
...ەلتاڭبانى ٶزگەرتۋ تۋرالى باستاماسىن قولدامايمىن. بۇل - پرەزيدەنتتٸڭ ەمەس, وعان ايتىپ وتىرعان بٸر توپ ادامنىڭ يدەياسى. پايدا كٶزدەگەن دە بولۋى مٷمكٸن. ەكٸنشٸ جاعى ٶزدەرٸنٸڭ ابىرويلارىن شىعارۋدى كٶزدەگەن بولار", - دەيدٸ ساراپشى.
