استانا قالاسى اكىمدىگى تىلدەردى دامىتۋ جانە ارحيۆ ءىسى باسقارماسىنىڭ قولداۋىمەن، «رۋحانيات» كوممۋنالدىق مەملەكەتتىك مەكەمەسىنىڭ ۇيىمداستىرۋمەن ەلوردادا «ءتىل – تاعىلىم» ينتەللەكتۋالدى سايىسى ءوتتى.
سايىستا «بايتەرەك» حولدينگى جانە ونىڭ ەنشىلەس ۇيىمدارىنىڭ ماماندارىنان قۇرالعان 8 كوماندا سىنعا ءتۇسىپ، ب ا ق سىنادى. ولاردىڭ قاتارىندا: «بايتەرەك» ۇلتتىق باسقارۋشى حولدينگى» اق، «قازاقستاننىڭ دامۋ بانكى» اق، «وتباسى بانك» اق، «دامۋ» كاسىپكەرلىكتى دامىتۋ قورى» اق، «قازاقستان تۇرعىن ءۇي كومپانياسى» اق، «Qazaqstan Investment Corporation» اق، «اگرارلىق نەسيە كورپوراسياسى» اق جانە «قازاقستاننىڭ ەكسپورتتىق-كرەديتتىك اگەنتتىگى» اق قىزمەتكەرلەر قۇرامالارى قاتىستى.
«ءتىل – تاعىلىم» ينتەللەكتۋالدى سايىسىنىڭ ماقساتى – مەملەكەتتىك ءتىلدى، ەل تاريحىن، ءسالت-داستۇرىمىزدى، عىلىم مەن ونەردى جانە ادەبي مۇرالاردى ناسيحاتتاۋ. ۇجىممەن جۇمىس جاساۋ داعدىلارىن ارتتىرۋعا مۇمكىندىك بەرەتىن، سونداي-اق، مامانداردىڭ ينتەلەكتۋالدىق ءوي-ورىسىن دامىتاتىن، زياتكەرلىك ورتانىڭ قالىپتاسۋىنا زور ۇلەس قوساتىن شارا جوعارى دەڭگەيدە ءوتتى.
سايىس شارتى بويىنشا قاتىسۋشىلاردىڭ جاس ەرەكشەلىگى مەن لاۋازىمىنا شەكتەۋ قويىلعان جوق.
ينتەللەكتۋالدى سايىس 5 كەزەڭدى قامتىدى:
ءى. «تورتەۋ تۇگەل بولسا» كىرىسپە تۋرى
ءىى. «ءسوزجۇمباق» قيسىن تۋرى
ءىىى. «قارا، تىڭدا، ويلان» مەديا تۋرى
ءىV. «بايلانىس» تاقىرىپتىق تۋرى
- «اقتىق مارە» سوڭعى تۋرى
ءار كەزەڭدە قاتىسۋشى كوماندالار مەملەكەتتىك ءتىل، تاريح، ءسالت-داستۇر، الاش ارىستارى، ادەبيەت جانە مادەنيەت سىندى تاقىرىپتار توڭىرەگىندەگى لوگيكاعا، مەديا فورماتتاعى: اۋديو، ۆيدەو ماتەريالدارعا نەگىزدەلگەن سۇراقتارعا جاۋاپ بەردى. كوماندا ناتيجەلەرى اۆتوماتتى تۇردە ەسەپتەلىپ، قورىتىندىسى شىعارىلدى.
قىزۋ تارتىستىڭ ناتيجەسىندە «وتباسى بانك» اق-نىڭ قۇراما كومانداسى جەڭىمپاز اتانسا، «دامۋ» كاسىپكەرلىكتى دامىتۋ قورى» اق ماماندارىنان قۇرالعان كوماندا – 2 ورىندى، ال «قازاقستان تۇرعىن ءۇي كومپانياسى» اق-نىڭ قىزمەتكەرلەرى – 3 ورىندى يەلەندى. ينتەللەكتۋالدى سايىستىڭ جەڭىمپازدارى مەن بارلىق قاتىسۋشىلارى «رۋحانيات» كوممۋنالدىق مەملەكەتتىك مەكەمەسىنىڭ اتىنان العىس حاتتارمەن جانە باعالى سىيلىقتارمەن ماراپاتتالدى.
