«بايتاق بولاشاق» ەكولوگيالىق اليانسى رقۇ، پارتيانى تىركەۋ جونىندەگى ۇيىمداستىرۋ كوميتەتى قۇرامىندا كورنەكتى مەملەكەت جانە قوعام قايراتكەرلەرى بار. ولار ولجاس سۇلەيمەنوۆ، يراك ەلەكەيەۆ، توقتار اۋباكىروۆ، ازاماتحان ءامىرتاي، وراق الييەۆ، ۆيكتور ساپۋلنيك جانە ۇكىمەتتىك ەمەس ۇيىمدار مەن ۆولونتەرلىك ەكولوگيالىق قوزعالىستاردىڭ جەتەكشىلەرى.
سوڭعى 5 جىلدا باستاماشىل توپ پەن ۇيىمداستىرۋ كوميتەتىنىڭ مۇشەلەرى ادىلەت ورگاندارىنا پارتيانى تىركەۋ تۋرالى 9 رەت جۇگىنگەن. بارلىق تالاپتاردى ورىندالىپ وتىرعان (سونىڭ ىشىندە 20 مىڭ قول جيناۋ)، ت.ب. ءبىراق، وسى ۋاقىتقا دەيىن ءبىزدى تىركەۋدەن باس تارتىپ كەلدى...
مەملەكەت باسشىسىنىڭ 2022 جىلعى 11 قاڭتارداعى قازاقستان رەسپۋبليكاسىنىڭ پارلامەنتىندە سويلەگەن سوزىندە: «جالپى، مەملەكەت پەن قوعام اراسىنداعى قارىم-قاتىناستى تۇرلەندىرۋ قاجەت. بىزگە الەۋمەتتىك كەلىسىمشارتتىڭ جاڭا فورماتى قاجەت. قازاقستان ساياسي جاڭعىرۋ باعىتىن جالعاستىرادى. بۇل مەنىڭ ءپرينسيپتى ۇستانىمىم»، - دەپ اتاپ ايتقان سوڭ، پارتيامىزدىڭ تىركەلۋىنە دەگەن ءۇمىتىمىز قايتا تۇتاندى.
بىزگە قولداۋ كورسەتە وتىرىپ، پرەزيدەنتىمىزدىڭ «قازاقستاننىڭ ساياسي جاڭعىرۋ باعىتىن جالعاستىرۋى جايلى ءپرينسيپتى ۇستانىمىن» جۇزەگە اسىرۋعا بەلسەنە اتسالىسقىسى كەلىپ وتىرعان اتالمىش ۇيىمداستىرۋ كوميتەتىنىڭ وتىرىسىن كەڭىنەن جاريالاۋلارىڭىزدى سۇرايمىز.
