كەشە ەكس-مينيستر قۋاندىق بيشىمبايەۆقا قاتىستى سوت وتىرىسىندا باۋىرجان مۋسين ەسىمدى ادامنىڭ اتى اتالدى. ەندى تەرگەۋ يزولياتورىندا قىزمەتتىك تەكسەرىس جۇرگىزىلمەك،- دەپ حابارلايدى Dalanews.kz.
ءىىم قىلمىستىق اتقارۋ جۇيەسى كوميتەتى مالىمەتىنشە، باقىتجان بايجانوۆ اتاعان باۋىرجان مۋسين - "ءبىز ازاپتاۋعا قارسىمىز" قوعامدىق بىرلەستىگىنىڭ مۇشەسى.
"بۇل ۇيىم ءوز قىزمەتىن ەكى جاقتى مەموراندۋم شەڭبەرىندە جۇزەگە اسىرادى. ءوز كەزەگىندە پەنيتەنسيارلىق مەكەمەلەردە ادام قۇقىقتارىنىڭ ساقتالۋىنا مونيتورينگتى ۇيىم مۇشەلەرى جۇمىس ۋاقىتىندا مەكەمە قىزمەتكەرلەرىنىڭ سۇيەمەلدەۋىمەن جۇزەگە اسىرادى. ايىپتالۋشى ب. بايجانوۆ كورسەتكەن فاكتىلەر بويىنشا قاج استانا قالاسى بويىنشا دەپارتامەنتى قىزمەتتىك تەكسەرۋ جۇرگىزەدى"، – دەپ حابارلادى كوميتەت Ulys.media-عا.
كەشەگى سوت وتىرىسىندا باقىتجان بايجانوۆ تەرگەۋ يزولياتورىندا ونىڭ بيشىمبايەۆپەن كەزدەسۋىن ۇيىمداستىرعان ادام بولعانىن مالىمدەدى. ول تەرگەۋ يزولياتورىنا باۋىرجان مۋسين ەسىمدى ادام كەلگەنىن ايتتى.
"باۋىرجان مۋسين ماعان ءتورت رەت كەلدى. مەنى كامەرادان شىعارىپ الدى. وعان بارسام، جانىندا بيشىمبايەۆ تۇر. ياعني ول كەزدەسكىسى كەلگەن. مەن بىردەن بۇرىلىپ، كەتىپ قالدىم. اكىمشىلىككە ماعان جاقىنداماسىن دەدىم، ويتكەنى ونىڭ ماعان كەلۋىن سۇرامادىم. مەنىڭ ادۆوكاتتارىم دا سۇرامادى. ول سودان كەيىن دە ەكى-ۇش رەت كەلىپ، مەنى سالتاناتتىڭ وتباسىنا قارسى قويۋعا تىرىستى"، - دەپ جاۋاپ بەردى بايجانوۆ.
باق-تا باۋىرجان مۋسين دەگەن ادامنىڭ ەسىمى 2017، 2018 جىلدارى ءجيى جازىلعان. abai.kz مالىمەتىنشە، ول سول كەزدەگى ق ر ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى جونىندەگى كوميتەتى ءتوراعاسىنىڭ ورىنباسارى بولدى دەگەن اقپارات بار. سونىمەن قاتار، ءمۋسيننىڭ 400 مىڭ تەڭگە پارامەن ۇستالىپ، قاماۋعا الىنعانى تۋرالى دا دەرەكتەر بار.
"جەمقورلىققا قارسى ءىس-قيمىل ۇلتتىق بيۋروسىنىڭ استانا قالالىق دەپارتامەنتى ق ر ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى جونىندەگى كوميتەتى ءتوراعاسىنىڭ ورىنباسارى ب.ءمۋسيننىڭ مەملەكەتتىك ساتىپ الۋعا قاتىسۋشىلار مۇددەسىن لوببيلەۋ ءۇشىن جۇيەلى تۇردە پارا العانىن انىقتادى"، - دەپ حابارلادى سول كەزدە ۇلتتىق بيۋرونىڭ باسپا ءسوز قىزمەتى وكىلدەرى.
abai.kz مالىمەتىنە سۇيەنسەك، ب.مۋسين كاسىپكەردەن 400 مىڭ تەڭگە كولەمىندەگى پارانىڭ كەزەكتى بولىگىن الۋ بارىسىندا ۇستالعان. پارانىڭ جالپى سوماسى 1،4 ميلليون تەڭگە بولعان. كەيىن وعان 7 جىلعا جازا تاعايىندالعان. دەگەنمەن دەرەكتەردە ونىڭ دا بيشىمبايەۆ سەكىلدى ۇزاق ۋاقىت جازاسىن وتەپ، تۇرمەدە وتىرماعانى ايتىلادى.
سونىمەن قاتار، orda.kz اقپاراتىندا بۇعان دەيىن مۋسين ايتبەك امانگەلدىگە قارسى ءتۇرلى جازبالار جازعان دەگەن دە دەرەكتەر بار. ياعني مارقۇم نۇكەنوۆانىڭ اعاسىن بيشىمبايەۆتىڭ بالالارىنا قاتىستى ايىپتاعان.
"ول كىشكەنتاي قىزدى شاشىنان ۇستاپ، ۇيدە سۇيرەگەن. باسقا بالالار قاتتى قورقىپ، بولمەدە جاسىرىنىپ قالعان، ال ول بيشىمبايەۆقا قوڭىراۋ شالىپ، زورلىق قولدانامىن دەپ ايعايلاعان"، - دەپ كەلتىرگەن باسىلىم.
ال الەۋمەتتىك جەلىدە باۋىرجان مۋسين ەسىمدى ادامنىڭ جازباسى پايدا بولدى.
"بيشىمبايەۆ ءىسى بويىنشا سوتتا ايىپتالۋشى بايجانوۆ مەنىڭ فاميليامدى اتاعانىن ەستىدىم، وعان ەلوردانىڭ تەرگەۋ يزولياتورىندا قىسىم كورسەتىپپىن-مىس.
مۇنداي نارسە ەشقاشان بولماعانىن رەسمي تۇردە مالىمدەيمىن جانە مەن وعان ەشقاشان قىسىم جاساعان ەمەسپىن، ولاي ىستەۋدى دە ويلاعان ەمەسپىن! استانا قالاسىنىڭ تەرگەۋ يزولياتورىندابەينەباقىلاۋ كامەرالارى مەن تەرگەۋ يزولياتورى قىزمەتكەرلەرى بار. ول ەشقاشان وعان قىسىمكورسەتكەنىم نەمەسە قورقىتقانىم نەمەسە بىرەۋدى قورلاعانىم تۋرالى شاعىم تۇسىرگەن ەمەس! بۇگىنوعان جالا جاپقانى ءۇشىن سوتقا ارىز بەرەمىن!" - دەدى ول.
