اقش-تىڭ باس پروكۋرورى ەپشتەين ىسىنە قاتىستى فايلداردان 300 تانىمال تۇلعانىڭ ءتىزىمىن جاريالادى، دەپ حابارلايدى Dalanews.kz.
اقش-تىڭ باس پروكۋرورى پەم بوندي كامەلەتكە تولماعانداردى جىنىستىق قاناۋعا قاتىستى ايىپ تاعىلعان قارجىگەر دجەففري ەپشتەين ءىسى بويىنشا ماتەريالداردا اتالعان 300 ايگىلى ادام مەن ساياساتكەردىڭ ءاتى-جونى كورسەتىلگەن ءتىزىمدى جاريالادى. ءتيىستى حات اقش كونگرەسىنىڭ باسشىلىعىنا جولدانعان، دەپ جازادى The New York Post.
ءبونديدىڭ ايتۋىنشا، وسىلايشا 2025 جىلعى 19 جەلتوقساندا بەلگىلەنگەن، ەپشتەينگە قاتىستى فايلداردى كوپشىلىككە جاريا ەتۋ جونىندەگى سوڭعى مەرزىم تولىق ساقتالعان.
تىزىمگە ەنگەندەر قاتارىندا بيلل كلينتون مەن حيللاري كلينتون، باراك وباما مەن ميشەل وباما، كامالا حارريس، دجو بايدەن، حانزادا گارري، بيلل گەيتس، ۆۋدي اللەن، مارك سۋكەربەرگ جانە بەيونسە بار.
2025 جىلدىڭ اقپان ايىندا بوندي قارجىگەرگە قاتىستى قۇپياسىزداندىرىلعان فايلداردىڭ العاشقى بولىگىن جاريالاعان بولاتىن. اشىق شىققان ماتەريالداردا ەپشتەيننىڭ جەكە ۇشاعىنىڭ بورت جۋرنالدارىنىڭ كوشىرمەلەرى، مەكەنجاي كىتاپشاسى، ايعاقتار ءتىزىمى، سونداي-اق «ماسساجيستەر ءتىزىمى» بار. سوڭعى قۇجاتتا 254 ەسىم كورسەتىلگەن، الايدا سول كەزدە جابىرلەنۋشىلەردىڭ قۇپيالىلىعىن قورعاۋ ماقساتىندا بارلىق اتى-جوندەر قارا بوياۋمەن جابىلعان ەدى.
