باقىتبەك ەسەنتايەۆ قاپشاعاي ماڭىنداعى زارەچنىي اۋىلىنداعى قاتاڭ رەجيمدەگى ەرلەر كولونياسىندا جاتىر. بۇل اسا اۋىر قىلمىس جاساعان ادامدار جازاسىن وتەپ جاتقان ەڭ جوعارى قاۋىپسىزدىك مەكەمەسى. بايان ماقسات قىزىنىڭ بۇرىنعى جۇبايى وسىدان ەكى جىل بۇرىن جازاسىن جەڭىلدەتۋدى سۇراعانى تاياۋدا عانا بەلگىلى بولدى.
– 2020 جىلى سوتتالعان باقىتبەك ەسەنتايەۆ وعان قاتىستى قىلمىستىق كودەكستىڭ 6-بابىن قولدانۋ تۋرالى، ياعني «جازانى وتەۋدى جەڭىلدەتۋ تۋرالى» ءوتىنىش بەردى. الايدا سول جىلدىڭ 6 ساۋىرىندە قاپشاعاي قالالىق سوتى بۇل ءوتىنىشتى قاناعاتتاندىرۋدان باس تارتتى، – دەپ حابارلادى الماتى وبلىستىق سوتىنىڭ وكىلدەرى.
باقىتبەك ەسەنتايەۆ ءوزىن ورتاشا نەمەسە ەڭ تومەنگى قاۋىپسىزدىك مەكەمەسىنە اۋىستىرۋدى سۇراعان بولۋى كەرەك.
