بەلگٸلٸ ازاماتتىق بەلسەندٸلەردٸ پوليتسييامەن بٸرٸگٸپ, جالعان ايىپتاۋمەن اتى شىققان 54 جاستاعى تالعات كاتاۋوۆ كەمەلەتكە تولماعان قىزدارعا سەكسۋالدىق سيپاتتاعى زورلىق ەرەكەتٸ ٷشٸن 2 جىل 6 ايعا باس بوستاندىعىنان ايىرىلدى, دەپ حابارلايدى Dalanews.kz «ۋرالسكايا نەدەليا» باسىلىمىنا سٸلتەمە جاساپ.
تٷركٸستان وبلىسىندا ٶتكەن سوت وتىرىسىندا كاتاۋوۆ قىلمىستىق كودەكستٸڭ 122-بابىنىڭ 1-بٶلٸگٸ («ون التى جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى ٶزگە دە ەرەكەتتەر») بويىنشا كٸنەلٸ دەپ تانىلعان.
«54 جاستاعى تالعات كاتاۋوۆتىڭ ٷستٸنەن بٸرنەشە رەت شاعىم تٷستٸ. ول التى مەن ون تٶرت جاس ارالىعىنداعى بٸرنەشە قىزعا قاتىستى ازعىندىق ەرەكەتتەر جاساعان. الايدا, ٸس العاشىندا 124-باپ («جاس بالالاردى ازعىندىق جولعا تٷسٸرۋ») بويىنشا قارالعانىمەن, سوڭعى وتىرىستا پروكۋرور ايىپتى جەڭٸلٸرەك باپقا اۋىستىرۋ تۋرالى ٶتٸنٸش بەردٸ», – دەلٸنگەن حابارلامادا.
بۇعان دەيٸن تالعات كاتاۋوۆ باتىس قازاقستان مەن تٷركٸستان وبلىستارىنداعى بەلسەندٸلەر اراسىندا «قۇقىق قورعاۋشىلاردىڭ تاپسىرماسىمەن ەرەكەت ەتەتٸن ارانداتۋشى» رەتٸندە تانىلعان. ول بٸرنەشە رەت پوليتسيياعا جالعان ارىز تٷسٸرٸپ, سونىڭ كەسٸرٸنەن بٸرقاتار بەلسەندٸلەر نەگٸزسٸز ايىپپەن ەكٸمشٸلٸك قاماۋعا الىنعان.
2000 جىلداردىڭ ورتاسىندا كاتاۋوۆ بٶكەي ورداسى اۋدانىندا مەكتەپ ديرەكتورى قىزمەتٸن اتقارعان, بٸراق وقۋشى قىزعا قاتىستى ەدەپسٸز ەرەكەتٸ ٷشٸن قىزمەتتەن بوساتىلعان ەدٸ. ال 2024 جىلدىڭ تامىز ايىندا ونىڭ تۋعان جيەنٸ دە جىنىستىق زورلىق قۇربانى بولعانىن مەلٸمدەگەن.
«15 جاستاعى جاسٶسپٸرٸم اناسىنا توعىز جاسىنان باستاپ نەمەرە اعاسى تالعات كاتاۋوۆتىڭ زورلىعىنا بٸرنەشە رەت ۇشىراعانىن ايتقان. بۇل ەرەكەتتەر اتا-اناسى ٷيدە جوق كەزدە جاسالعان. اناسىنىڭ ارىزى بويىنشا پوليتسييا 120-باپتىڭ 4-بٶلٸگٸ («بٸرنەشە رەت جاسالعان زورلاۋ») بويىنشا قىلمىستىق ٸس قوزعاعانىمەن, بٸرنەشە ايعا سوزىلعان تەرگەۋ نەتيجەسٸز اياقتالعان. جەبٸرلەنۋشٸ قىز پوليگرافييالىق سىناقتان, باسقا دا ساراپتامالاردان ٶتٸپ, اۋىر پسيحولوگييالىق كٷيزەلٸستٸ باستان كەشكەن», – دەپ جازدى باسىلىم.
سونىمەن قاتار, قىزدىڭ اناسى پوليتسييا قىزمەتكەرلەرٸنٸڭ ٸسٸنە بٸرنەشە رەت شاعىم تٷسٸرگەن. وتباسىنىڭ قارجىلىق مٷمكٸندٸگٸ شەكتەۋلٸ بولعاندىقتان, ادۆوكاتتى مەملەكەت تاعايىنداعان. جەلتوقسان ايىندا پوليتسييا دەپارتامەنتٸ كاتاۋوۆقا قاتىستى قىلمىستىق ٸستٸ «قىلمىس قۇرامى انىقتالمادى» دەگەن نەگٸزبەن جاۋىپ تاستاعان ەدٸ.
قوعام ٶكٸلدەرٸ مەن بەلسەندٸلەر بۇل شەشٸمدٸ ەدٸلەتسٸز ەرٸ تاعايىندالعان جازانى تىم جۇمساق دەپ باعالاپ وتىر.
