باتىس قازاقستاندا بيۋدجەتتەن 57 ميلليون تەڭگە جىمقىرىلعان، - دەپ حابارلايدى Dalanews.kz انتيكورعا سىلتەپ.
باتىس قازاقستان وبلىسى بويىنشا سىبايلاس جەمقورلىققا قارسى قىزمەت سپورت جانە دەنە شىنىقتىرۋ ىستەرى كوميتەتىنىڭ "سپورتتى دامىتۋ ديرەكسياسى" رمقك بۇرىنعى ديرەكتورىنا قاتىستى سوتقا دەيىنگى تەرگەۋ جۇرگىزىپ جاتىر.
تەرگەۋ دەرەكتەرى بويىنشا،كۇدىكتى 2021-2022 جىلدارى الداۋ ارقىلى جالپى سوماسى 57 ملن تەڭگە بيۋدجەت قاراجاتىن جىمقىرعان. بۇل قاراجاتتى بقو دەنە شىنىقتىرۋ جانە سپورت باسقارماسى "Artsport" باعدارلاماسى بويىنشا جان باسىنا قارجىلاندىرۋ شارتى شەڭبەرىندە بالالاردى وقىتۋ بويىنشا كورسەتىلەتىن قىزمەتتەرگە "اقجايىق فك" جشس-نە بولگەن.
سوتتىڭ سانكسياسىمەن ول قاماۋعا الىندى.
قازىرگى ۋاقىتتا قالعان ادامداردىڭ قىلمىسقا قاتىسى تەكسەرىلۋدە جانە جىمقىرۋدىڭ قوسىمشا ەپيزودتارىن انىقتاۋ جۇمىستارى جالعاسىپ جاتىر. قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
