باتىس قازاقستان وبلىسىندا ءقاۋىپتى كريمينالدار ۇستالدى

كوركەم الدابەرگەنوۆا 29 مام. 2024 09:59 88862

باتىس قازاقستان وبلىسىندا ءقاۋىپتى كريمينالدار ۇستالدى، - دەپ حابارلايدى Dalanews.kz سايتىنا سىلتەمە جاساپ.  

19 مامىردا باتىس قازاقستان وبلىسى پوليسيا دەپارتامەنتى ۇيىمداسقان قىلمىسقا قارسى كۇرەس باسقارماسى جانە ۇقكد جەدەل مالىمەتتەر بويىنشا قىلمىستىق ورتادا "زاڭداعى ۇرى" اتاعىنا يە 1963 جىلى تۋعان ىرگەلەس مەملەكەت ازاماتىنىڭ ەل اۋماعىنا كىرۋ فاكتىسىن انىقتادى.

"ول ورال قالاسىنىڭ پوليسياسىنا جەتكىزىلدى. قاجەتتى تەكسەرۋ ءىس-شارالارىن وتكىزگەننەن كەيىن ەر ادام قازاقستان اۋماعىنان رەسەيگە باعىت الىپ، كورشى مەملەكەتتىڭ قۇقىق قورعاۋ ورگاندارىمەن قۇرىقتالدى. قولدا بار مالىمەتتەرگە سايكەس رەسەي فەدەراسياسىنىڭ سوت ورگاندارىمەن وعان قاتىستى رەسەي فەدەراسياسى قىلمىستىق كودەكسىنىڭ 210.1-بابى "قىلمىستىق يەرارحيادا جوعارى دارەجەنى يەلەنۋ" بويىنشا ءىس قارالىپ جاتىر"، – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.


ۇسىنىلعان
سوڭعى جاڭالىقتار