بريفينگتىڭ جۇمىسىنا بقو بويىنشا توتەنشە جاعدايلار دەپارتامەنتى باسشىسىنىڭ ورىنباسارى ا.احمەتجانوۆ، وبلىستىق اۋىل شارۋاشىلىق باسقارماسىنىڭ باسشىسى ب.ەسەنعالييەۆ، وبلىستىق ۆەتەريناريا باسقارماسى باسشىسىنىڭ م.ا. ە.احمەتوۆ، اقجايىق اۋدانى اكىمىنىڭ ورىنباسارى ا.ابۋعالييەۆ، قازتالوۆ اۋدانى اكىمىنىڭ ورىنباسارى ن.قۇتقوجين قاتىستى.
اعىمداعى جىلدىڭ باسىنان باستاپ (03.08.2017 جىلعى ساعات 17.00-دەگى جاعداي بويىنشا) باتىس قازاقستان وبلىسى اۋماعىندا جالپى اۋدانى 50،3 گەكتار گەكتار قۇرايتىن 2 ورمان ءورتى جانە جالپى اۋماعى 26 220 گەكتار 246 ءورت وقيعاسى تىركەلدى. ءورت وقيعالارىنىڭ نەگىزگى سەبەپتەرى: وتپەن ابايسىزدىق جانە قۇرعاق شوپتەردى رۇقساتسىز ورتەۋ.
2016 جىلدىڭ كورسەتكىشتەرىمەن سالىستىرعاندا، وتكەن جىلى وبلىس اۋماعىندا جالپى اۋدانى 2509 گەكتار قۇرايتىن 104 جانۋ وقيعاسى تىركەلدى.
تابيعي ورتتەردىڭ جانە جانۋلاردىڭ الدىن الۋ، ءسوندىرۋ ءۇشىن وبلىستا قۇرامى 2954 ادامنان تۇراتىن 151 ەرىكتى ورتكە قارسى قۇرىلىمدار قۇرىلدى. ولار 94 سۋ تاسىعىشپەن، 449 باسقا دا تەحنيكالارمەن، 1706 اسپالى ءورت سوندىرگىشتەرمەن، 106 موتوپومپامەن جانە 1633 باسقا دا العاشقى قۇرالدارمەن قامتاماسىز ەتىلدى.
وتكەن اپتادا وبلىس اۋماعىندا ورىن العان تابيعي ءورت جانە جانۋ وقيعالارى سالدارىنان 1 ادام زارداپ شەگىپ، حالىقتىڭ تۇرمىس-تىرشىلىگىنىڭ بۇزىلۋى جانە ءۇي جانۋارلارىنىڭ كۇيىككە شالدىعىپ، ءولۋى جاعدايلارى تىركەلدى. ماسەلەن، 30 شىلدە – 2 تامىز ارالىعىندا بولعان قازتالوۆ اۋدانىندا بولعان ۇلكەن ورتتەن 598 باس ۇساق قوي مالى قىرىلدى. كۇنى بۇگىن جەرگىلىكتى تۇرعىندار زارداپ شەگۋشىلەرگە كەلگەن شىعىننىڭ ورنىن تولتىرۋ ءۇشىن ءوز ەرىكتەرىمەن دەمەۋشىلىك كومەك رەتىندە 298 باس قوي جيناپ بەردى. كەلتىرىلگەن شىعىننىڭ قالعان بولىگى ارنايى قۇرىلعان كوميسسيانىڭ قورىتىندىسىنان كەيىن تولەنەتىن بولادى.
سونداي-اق، قاراتوبە اۋدانىندا ءورت سالدارىنان 37 ەلەكتر باعانى جانىپ كەتكەنىمەن، جەرگىلىكتى حالىققا ەلەكتر قۋاتىن جەتكىزۋدە كەدەرگى بولعان جوق.
اقجايىق اۋدانىندا ورتەنگەن 500 بۋما ءشوپتىڭ دە ورنى تولادى. اتالمىش اۋدان اكىمى ورىنباسارىنىڭ ايتۋىنشا، كۇنى بۇگىن كورشى اۋداندار مال ازىعىن بەرىپ، كومەك قولىن سوزۋدا.
انىقتاما ءۇشىن:
2017 جىلدىڭ 2 تامىزىندا وبلىس اكىمىنىڭ مىندەتىن اتقارۋشى ب.و.ازبايەۆ وتكىزگەن سەلەكتورلىق كەڭەستە ازاماتتىق قورعاۋ سالاسىنىڭ وبلىستىق اۋماقتىق باسقارما باسشىلىعىنىڭ اقپاراتى تىڭدالدى. كەلتىرىلگەن ماتەريالدىق زالال كولەمىن انىقتاۋ ماقساتىندا ارنايى كوميسسيا قۇرىلدى. نورماتيۆتىك-قۇقىقتىق اكتىلەرگە سايكەس زالال وتەماقىسى ماسەلەسى قاراستىرىلۋدا.
