Brifingtiń jumysyna BQO boiynsha tótenshe jaǵdailar departamenti basshysynyń orynbasary A.Ahmetjanov, oblystyq aýyl sharýashylyq basqarmasynyń basshysy B.Esenǵaliev, oblystyq veterinariia basqarmasy basshysynyń m.a. E.Ahmetov, Aqjaiyq aýdany ákiminiń orynbasary A.Ábýǵaliev, Qaztalov aýdany ákiminiń orynbasary N.Qutqojin qatysty.
Aǵymdaǵy jyldyń basynan bastap (03.08.2017 jylǵy saǵat 17.00-degi jaǵdai boiynsha) Batys Qazaqstan oblysy aýmaǵynda jalpy aýdany 50,3 gektar gektar quraityn 2 orman órti jáne jalpy aýmaǵy 26 220 gektar 246 órt oqiǵasy tirkeldi. Órt oqiǵalarynyń negizgi sebepteri: otpen abaisyzdyq jáne qurǵaq shópterdi ruqsatsyz órteý.
2016 jyldyń kórsetkishterimen salystyrǵanda, ótken jyly oblys aýmaǵynda jalpy aýdany 2509 gektar quraityn 104 janý oqiǵasy tirkeldi.
Tabiǵi órtterdiń jáne janýlardyń aldyn alý, sóndirý úshin oblysta quramy 2954 adamnan turatyn 151 erikti órtke qarsy qurylymdar quryldy. Olar 94 sý tasyǵyshpen, 449 basqa da tehnikalarmen, 1706 aspaly órt sóndirgishtermen, 106 motopompamen jáne 1633 basqa da alǵashqy quraldarmen qamtamasyz etildi.
Ótken aptada oblys aýmaǵynda oryn alǵan tabiǵi órt jáne janý oqiǵalary saldarynan 1 adam zardap shegip, halyqtyń turmys-tirshiliginiń buzylýy jáne úi janýarlarynyń kúiikke shaldyǵyp, ólýi jaǵdailary tirkeldi. Máselen, 30 shilde – 2 tamyz aralyǵynda bolǵan Qaztalov aýdanynda bolǵan úlken órtten 598 bas usaq qoi maly qyryldy. Kúni búgin jergilikti turǵyndar zardap shegýshilerge kelgen shyǵynnyń ornyn toltyrý úshin óz erikterimen demeýshilik kómek retinde 298 bas qoi jinap berdi. Keltirilgen shyǵynnyń qalǵan bóligi arnaiy qurylǵan komissiianyń qorytyndysynan keiin tólenetin bolady.
Sondai-aq, Qaratóbe aýdanynda órt saldarynan 37 elektr baǵany janyp ketkenimen, jergilikti halyqqa elektr qýatyn jetkizýde kedergi bolǵan joq.
Aqjaiyq aýdanynda órtengen 500 býma shóptiń de orny tolady. Atalmysh aýdan ákimi orynbasarynyń aitýynsha, kúni búgin kórshi aýdandar mal azyǵyn berip, kómek qolyn sozýda.
Anyqtama úshin:
2017 jyldyń 2 tamyzynda oblys ákiminiń mindetin atqarýshy B.O.Azbaev ótkizgen selektorlyq keńeste azamattyq qorǵaý salasynyń oblystyq aýmaqtyq basqarma basshylyǵynyń aqparaty tyńdaldy. Keltirilgen materialdyq zalal kólemin anyqtaý maqsatynda arnaiy komissiia quryldy. Normativtik-quqyqtyq aktilerge sáikes zalal ótemaqysy máselesi qarastyrylýda.
