وسىدان كەيىن ماسكەۋدىڭ اينالاسىنا اۋە قورعانىسىنا قارسى قوندىرعىلار ورناتىلا باستادى. ەڭ قىزىعى ماسكەۋدەگى كوپقاباتتى ءۇيدىڭ توبەسىنە اسكەري درونعا قارسى سوققى بەرەتىن «پانسير» قوندىرعىسىن ورناتقانى اسكەري ساراپشىلار «اپەندەلىككە» ساناپ جاتار.
ماسكەۋدىڭ ورتالىعى مەن قالانىڭ اينالاسىنا مۇنداي قوندىرعىلاردى ورناتۋدىڭ استارىندا كرەملدىڭ ۋكراين اسكەرىنەن قورقاۋدان باسقا، ءپۋتيننىڭ بۇكىل ماسكەۋ حالقىن ۇرەي قۇشاعىندا ۇستاۋدىڭ امالى جاتقانىن اڭعارۋعا بولادى.
اسكەري ساراپشىلاردىڭ پايىمداۋىنشا، كەز كەلگەن ەلدە اۋە قورعانىسىنا قارسى كەشەننىڭ قاي جەردە ورنالاسقانى قۇپيا ساقتالۋى كەرەك ەكەن. ال ورىستار بولسا، «پانسير» قوندىرعىسىن قايدا ورنالاستىرعاندارىن تىكەلەي ەفيردە كورسەتتى.
ەگەر ولار قاندايدا ءبىر اسكەري ماقسات كوزدەسە، ولار بۇل ارەكەتىن كوپشىلىككە بىلدىرمەي ىستەۋشى ەدى.
ولاردىڭ مۇنداعى ماقساتى – ءپۋتيننىڭ قازىرگى ساياساتىنا قارسى حالىقتىڭ ۇرەي قۇشاعىندا ۇستاپ، ۋكراينانىڭ زىمىراندارى انە-مىنە ماسكەۋ تۇرعىندارىنا توبەسىنەن تۇسەتىنىن ەسكە سالىپ، جۇرتتىڭ كوكەيىندە ۋكرايناعا قارسى وشپەندىلىكتى وياتۋ جاتقانى انىق.
سوڭعى ايلاردا ۋكرايناعا باتىس ەلدەرى اسكەري اۋە شابۋىلانا تويتارىس بەرەتىن بىرنەشە قوندىرعىسىن بەردى. ءبىراق ۋكراين اسكەريلەرى قورعانىس قۇرالدارىنىڭ قايدا ورنالاستىرعاندارىن ايداي الەمگە جار سالىپ ايتقان ەمەس. ءبارىن قۇپيا ۇستاۋدا.
ال ورىستار بولسا، ونىڭ ايداي الەمگە پاش ەتىپ، كوپ قاباتتى ءۇيدىڭ توبەسىنە ورناتتى.
دەمەك پۋتين ماسكەۋدەگى كوپقاباتتى ءۇيدىڭ توبەسىنە قورعانىس كەشەنىن ورناتىپ، جۇرتتى ۇرەي قۇشاعىندا ۇستاماقشى. وسىدان-اق ورىس اسكەرىنىڭ ۋكراينا اسكەرىنىڭ الدىندا جەڭىلىپ جاتقانىن بايقاۋعا بولادى.
