ال 2017 جىلدىڭ سوڭىندا "ايگۇل" بالاباقشاسىنىڭ قىزمەتكەرلەرىنەن تاعى دا ءۇشبۋ حات كەلدى. الاقانداي بالاباقشادا ءجيى شۋ شىعا بەرگەن سوڭ، حاتپەن مۇقيات تانىسىپ، ونى «بىزگە بۇنداي باسشىنىڭ كەرەگى جوق!» دەگەن قاراپايىم قىزمەتكەرلەردىڭ جانايقايىن جاريالادىق.
سول حاتقا جاقىندا سارىسۋ اۋدانى ءبىلىم ءبولىمى باسشىسىنىڭ مىندەتىن اتقارۋشى ە.دۇيسەنبين مىرزادان رەداكسيامىزدىڭ پوشتاسىنا ارنايى حات كەلدى (حاتتىڭ ءتۇپنۇسقاسى تومەندە).
حاتمەن تانىسقانىمىزدا قاراپايىم قىزمەتكەرلەردىڭ شاعىمىندا كورسەتكەن ماسەلەلەر بويىنشا 2017 جىلدىڭ 11 جەلتوقسانىندا قىزمەتتىك تەكسەرۋ جۇرگىزىپ، ەشقانداي ماسەلەنى انىقتاي الماعاندارىن جازىپتى.
ءبىر قىزىعى تەكسەرۋشىلەر ەشقانداي دۇنيەنى انىقتاي الماسا دا "ايگۇل" بالاباقشاسىنىڭ مەڭگەرۋشىسى جاناش ستامبەكوۆاعا ق ر "ەڭبەك كودەكسىنىڭ" 1 تارماعىنىڭ، 2 تارماقشاسىنا سايكەس وزىنە جۇكتەلگەن مىندەتتى دۇرىس اتقارماعانى ءۇشىن سوگىس جاريالاپتى. مۇنى حاتتان تانىسۋلارىڭىزعا بولادى. وسىلايشا سارىسۋ اۋداندىق ءبىلىم ءبولىمى بالاباقشا مەڭگەرۋشىسىنىڭ قانداي ارەكەتى زاڭعا سيماعان سوڭ، سوگىس جاريالاعاندارىن اشىپ جازباپتى. ءبىز ءۇشىن وسى جاعى تۇسىنىكسىز كۇيىندە قالىپ وتىر.
اينالاسىنداعى قىزمەتكەرلەرمەن ءتىل تابىسىپ جۇمىس ىستەي المايتىن، "وزىنە جۇكتەلگەن مىندەتتى دۇرىس اتقارمايتىن" باسشىنى (سارىسۋ اۋداندىق ءبىلىم ءبولىمى باسشىسى مىندەتىن اتقارۋشى ە.دۇيسەنبيننىڭ بەرگەن باعاسى) اۋدان باسشىلارى نەگە تارتىپكە شاقىرا الماي وتىرعاندارىن تۇسىنە المادىق.
"قالا مەن دالا" گازەتى
https://dalanews.kz/20607
https://dalanews.kz/32863
