رەسەي ارميياسىنىڭ ساپىندا سوعىسىپ جاتقانداردىڭ دەنٸ ىڭىرشاعى شىققان كەدەي. جوقشىلىق ولاردىڭ پسيحولوگيياسىن بۇزعان. ەلەۋمەتتٸك جاعدايىن تٷزەۋ ٷشٸن قولىن قانعا مالۋدان تايىنبايدى.
ۋكراين جەرٸندە وققا ۇشىپ, سٷيەگٸ كٶمۋسٸز قالارىن ويلانىپ جاتپايدى. پۋتين پروپاگانداسى كەدەيلەردەن قۇرالعان رەسەي ارميياسىن دۋالاپ تاستاعان.
مۇنداي پٸكٸردٸ "باشقۇرت" ساياسي ۇيىمىنىڭ بەلسەندٸسٸ, رەسەي بيلٸگٸ تاراپىنان قۋدالاۋعا ۇشىراعان رۋسلان عاببازوۆ بٸلدٸردٸ دەپ حابارلايدى Dalanews.kz.
«كٶپشٸلٸك رەسەيلٸكتەر ٷشٸن جوقشىلىقتىڭ قامىتىنان قۇتىلۋدىڭ جالعىز جولى سوعىسقا قاتىسىپ, جەردەماقى الۋ. ولاردىڭ اراسىندا پۋتيندٸ پٸر تۇتاتىن, كرەمل كٶسەمٸ ٷشٸن وت پەن سۋعا تٷسۋدەن تايىنبايتىن زومبيلانعان اۋديتورييانىڭ قاراسى كٶپ. پروپاگاندا ولاردىڭ ەت پەن سٷيەگٸنە ٶتٸپ كەتكەن», – دەيدٸ ساراپشى.
ورىستىڭ بودانىنداعى ٶزگە رەسپۋبليكالار, ونىڭ ٸشٸندە باشقۇرستان تۇرعىندارىنىڭ باسىم بٶلٸگٸ تۇرمىستىق مەسەلەسٸن شەشۋدٸ كٶزدەپ رەسەي ارميياسىنىڭ قاتارىنا قوسىلۋدا.
قايىرشىلىقتىڭ شەگٸنە جەتكەن جۇرت قولىنا قارۋ الىپ, بٶگدە ەلدٸڭ بەيبٸت تۇرعىندارىن ٶلتٸرۋدەن تايىنبايدى. ەڭ باستىسى, اقىسىن تٶلەسە بولعانى. جۇمىس تاپپاي سەندەلٸپ جٷرگەن باشقۇرتتىڭ ەر-ازاماتتارى اقشا ٷشٸن ار-ۇياتتان اتتاۋعا مەجبٷر.
سٶي دەگەن عاببازوۆ پۋتينگە بولىسىپ جاتقان باشقۇرتتاردىڭ بۇل توبىن ٶزٸندٸك ساياسي ۇستانىمى جوق, كرەملدٸڭ ٷگٸت-ناسيحاتىن قورىتپاي قابىلداي بەرەتٸن ساۋاتسىز كاتەگورييانىڭ قاتارىنا كٸرگٸزٸپتٸ.
ونىڭ پٸكٸرٸنشە, مەسكەۋدٸڭ ۋاعىزىنا ۋلانعان باشقۇرتتاردىڭ بٸر توبى پۋتيننٸڭ شاپقىنشىلىعىن قىلمىس سانامايدى. كەرٸسٸنشە, كرەمل كٶسەمٸنە شاڭ جۋىتپاي, ونىڭ ەربٸر ەرەكەتٸن اقتاپ الۋعا ەزٸر.
«جوعارىدان (پۋتيننەن) قازاقستاندى شابىڭدار دەگەن بۇيرىق تٷسسە, بٸزدەگٸ باشقۇرتتاردىڭ باسىم كٶپشٸلٸگٸ ۇزاق ويلانباي كٶرشٸ ەلگە باسىپ كٸرەدٸ. قازاق مەن باشقۇرتتىڭ بٸر كٸندٸكتەن تارايتىن باۋىرلاس ۇلت ەكەنٸ ولاردىڭ قاپەرٸنە دە كٸرٸپ شىقپايدى. پروپاگاندا باشقۇرتتاردى دۋالاپ تاستاعان, بٸز تٷركٸ دٷنيەسٸنەن كٷن ٶتكەن سايىن الىستاپ بارامىز», – دەيدٸ عاببازوۆ.
ونىڭ اتاپ ٶتكەنٸندەي, ۋكراين جەرٸندە وققا ۇشقانداردىڭ اراسىندا ەگدە جاستاعى ازاماتتار كٶپ. جٷرٸس-تٷرٸسٸ اۋىرلاعان ەلۋ-الپىستاعى شال-شاۋقاننىڭ قولىنا قارۋ الىپ, بٶگدە ەلدە اجال قۇشىپ جاتقانى پۋتين پروپاگانداسىنىڭ ارقاسى. 
ال رەسەيلٸك تەلەارنالارعا تەلمٸرگەن باشقۇرتستان تۇرعىندارى سولوۆەۆ پەن سيمونياننىڭ تۇزاعىنا قالاي عانا تٷسكەنٸن اڭداماي قالعان.
«ۋكراينامەن سوعىسقا اتتانعان باشقۇرتتار قويشا قىرىلىپ جاتىر. بٶگدە ەلدە جان تاپسىرعان جاۋىنگەرلەردٸڭ سانى بويىنشا باشقۇرتستان كٶش باستاپ تۇر!
سوعىستىڭ باستالعانىنا 150 كٷننەن استى, وسى ۋاقىتتىڭ ٸشٸندە 150 باشقۇرت جان تەسٸلٸم ەتكەن. كٷن سايىن بٸر باشقۇرت وققا ۇشۋدا. باشقۇرتتار پۋتيننٸڭ باسقىنشى ساياساتىن قولداپ, قولىن قانعا مالدى, قىلمىسكەر اتاندى. كەلەر ۇرپاق بٸزدٸ كەشٸرمەيدٸ.
الايدا بۇل تەك رەسمي مەلٸمەت. مايدان دالاسىندا تانكٸنٸڭ تابانىندا تاپتالىپ, ەسەپكە الىنباي, سٷيەگٸ قۋراپ قالعان ساربازدار قانشاما», – دەيدٸ ساراپشى.
عاببازوۆ پۋتيننٸڭ تۇسىندا اۆتونومدى ايماقتارعا جاسالاتىن قىسىمنىڭ كٷرت كٷشەيگەنٸن ايتادى. ەسٸرەسە, باشقۇرتستان سەكٸلدٸ ازات ويلايتىن ازدى-كٶپتٸ اۋديتوريياسى بار ايماقتار كرەملدٸڭ قاھارىنا ۇشىراعان.
«ۋكرايناعا باسىپ كٸرگەن پۋتين باشقۇرتتارعا اياۋشىلىق تانىتپايدى. قارسىلاسار بولساق, قانعا بٶكتٸرەدٸ. مەسكەۋ تۇرعىندارىن سوعىسقا سٷيرەگٸسٸ جوق, وعان بٸز سەكٸلدٸ بۇراتانا ۇلتتاردىڭ سوعىستا ٶلٸپ, قاتارى سيرەگەنٸ تيٸمدٸ.
سوعىس باستالعالى بەرٸ باشقۇرتستاننىڭ جەر قويناۋىنداعى قازبا بايلىقتى قوتارۋ جۇمىسى قارقىن الدى.
كرەمل باشقۇرتستاننىڭ تابيعي رەسۋرسى مەن ادامي رەسۋرسىن تٷگەسۋدە. ۋكرايناداعى قاندى قاساپقا اتتانىپ جاتقان اۆتونومدى رەسپۋبليكالاردىڭ تۇرعىندارى پۋتين ٷشٸن قۇل-قۇتان عانا...», – دەيدٸ عاببازوۆ.
ەزٸرلەگەن, دۋمان بىقاي
