كٷنٸ كەشە وپپوزيتسييالىق جۋرناليست ايدوس سادىقوۆقا كيەۆتەگٸ ٷيٸنٸڭ اۋلاسىندا قاستاندىق جاسالدى. ەيەلٸ ناتاليا سادىقوۆا ەكەۋٸ وتىرعان كٶلٸك جاققا بەلگٸسٸز بٸرەۋ كەلٸپ, جۋرناليسكە وق اتقان. سالدارىنان سادىقوۆ جاراقات الىپ, قازٸرگٸ تاڭدا اۋىر جاعدايدا جاتىر. ەلەۋمەتتٸك جەلٸدە ايدوس سادىقوۆقا قاستاندىق جاساۋعا قازاق بيلٸگٸ تاپسىرىس بەرگەن دەگەن اقپارات جەلدەي ەسٸپ جٷر. جۋرناليستٸڭ ەيەلٸ ناتاليا سادىقوۆا دا سولاي ەسەپتەيدٸ. ساراپشىلار بۇل جايلى نە دەيدٸ? Dalanews.kz تٸلشٸسٸ شولۋ جاسادى.
"باراەۆا" تەلەگرام ارناسىنداعى مەلٸمەت بويىنشا, جۋرناليسكە قاستاندىق جاسالاردان بٸرنەشە كٷن بۇرىن انونيمدەر ايدوس پەن ناتاليانىڭ بۇعاتتالعان اككاۋنتتارىنداعى ماتەريالداردى جارييالاۋدى سۇراعان كٶرٸنەدٸ.
"ماتەريالدار شىنايى, ونىڭ ٸشٸندە, ينتيم ماتەريالدار دا بار. ەلدەكٸم ەرلٸ-زايىپتىنىڭ اينالاسىندا جانجال تۋدىرعىسى كەلگەن سيياقتى. قاستاندىق جاسالعان كٷنٸ سادىقوۆتاردىڭ كانالىندا توقاەۆتىڭ اينالاسىنداعى "كرەمل اگەنتتەرٸ" تۋرالى ۆيدەو پايدا بولدى. ناتاليا قاستاندىقتى قازاق بيلٸگٸ جاسادى دەپ ەسەپتەيدٸ. ەگەر مۇنىڭ بەرٸ بولماعاندا ايدوسقا جاسالعان قاستاندىقتى تۇرمىستىق وقيعا دەپ ەسەپتەۋگە بولار ەدٸ. بٸراق بۇل وقيعا تىم ساياسيلاندىرىلىپ كەتكەن سەكٸلدٸ", - دەپ جازىلعان باراەۆا كانالىندا.
وتاندىق ساياساتتانۋشى عازيز ەبٸشەۆ تە سادىقوۆقا جاسالعان قاستاندىققا قازاق بيلٸگٸنٸڭ قاتىسى بار دەگەن اقپاراتقا قاتىستى ويىن ايتتى.
"اق-وردانىڭ قاتىسى بار دەي سالۋ ٶتە ىڭعايلى. بٸراق بۇل تۇستا بٸرنەشە سۇراق تۋىندايدى. سادىقوۆقا قاستاندىق جاساۋ قازاقستان بيلٸگٸنە قانداي پايدا ەكەلەدٸ? "باسە" – تانىمال, بٸراق قاراپايىم وپپوزيتسييالىق كانال. بەرٸنە بەلگٸلٸ يدەيانى تالقىلاپ, ەلدەگٸ جاعدايعا اۋىز تولتىرىپ ايتارلىقتاي ەسەر ەتە قويمايتىن كانال. باسقا ەلدٸڭ اۋماعىنداعى وسىنداي قاستاندىق قادامى حالىقارالىق ەتيكالىق نورمالاردى ٶرەسكەل بۇزۋ بولىپ سانالادى, ولاردىڭ ساقتالۋىن قازاقستان مۇقييات قاداعالاپ وتىرادى.
ۋكراينالىق ارنايى قىزمەتتەر باتىستىڭ ارنايى قىزمەتٸنٸڭ كٶمەگٸمەن ەسٸرەسە كيەۆتە بارلاۋ كوردوندارىن سالعان. بٸرەۋ ولاردىڭ الدىن وراپ كەتكەن. ونى قازاقستان ٸستەدٸ دەپ ساناۋ – دەمەك قازاقتىڭ كٷشتٸك اپپاراتى سوعىسىپ جاتقان ۋكراينانىڭ اۋماعىنا ەركٸن كٸرٸپ كەتەدٸ دەگەنگە سەنۋمەن بٸردەي. بۇل جەردە دە كٷمەن تۋدىراتىن سۇراقتار بار. جالپى جاعداي مىنانداي: بارلىق تۇستان اقپاراتتىق شابۋىل جاسالىپ جاتقان, سانكتسيياعا ۇشىراۋى مٷمكٸن قازاقستان اياق استى جەلٸدەگٸ اۆتوردىڭ بٸرٸنٸڭ كٶزٸن جويۋدى شەشەدٸ ەكەن, ول ٷشٸن سوعىس تەرريتوريياسىندا تۇرعان ەلدە قاستاندىق ۇيىمداستىرىپتى-مىس. ساياسي تۇرعىدا كەلٸسپەيتٸن تۇستار بار. بٸراق تەرگەۋ نەتيجەسٸن كٷتۋ كەرەك", - دەيدٸ ەبٸشەۆ.
ال "چەمودان گوسسەكرەتوۆ" تەلەگرام ارناسىنداعى ساراپشىلار تٷرلٸ وپپوزيتسييالىق كانالدار سادىقوۆقا جاسالعان قاستاندىقتى استانانىڭ موينىنا ٸلٸپ قويماق ەكەنٸن ايتادى.
"ال شىن مەنٸندە "باسە" كانالىن قازٸر ەشكٸم قاۋٸپتٸ كانال رەتٸندە قاراستىرمايدى: ولاردا اقپارات تا, ەلدٸڭ ٸشكٸ جاعدايىنا ەسەرٸ دە جوق. سادىقوۆتىڭ رۋسوفوبتىعىن ەسكەرسەك, قاستاندىق جاساۋ تەك كرەملگە تيٸمدٸ. قاستاندىق جاساۋ اقورداعا تيٸمسٸز: "باسە" كانالىنا قاجەتسٸز كٶڭٸل بٶلٸنە باستايدى, ٷلكەن كٷش-جٸگەردٸ تالاپ ەتەدٸ جەنە رەسمي استانانىڭ ٸس-قيمىل قاعيداتىنا سەيكەس كەلمەيدٸ. سادىقوۆقا جاسالعان قاستاندىق بەنەفيتسيارلارىنىڭ تٸزٸمٸ بەلگٸلٸ: ولار قازاقستاندى باتىسپەن دە, رەسەيمەن دە ارازداستىرۋدى ويلاپ وتىر", - دەيدٸ كانال ساراپشىلارى.
بۇعان دەيٸن ۋكراينانىڭ باس پروكۋراتۋراسى سادىقوۆقا جاسالعان قاستاندىققا بايلانىستى سوتقا دەيٸنگٸ تەرگەۋ امالدارى باستالعانىن حابارلاعان ەدٸ.
ايتا كەتەيٸك, ايدوس سادىقوۆ ۋكراينادا رەسمي بوسقىن مەرتەبەسٸن العان. 2023 جىلدىڭ قازان ايىندا سادىقوۆقا قازاقستاندا "ەلەۋمەتتٸك, ۇلتتىق, رۋلىق, تەكتٸك-توپتىق نەمەسە دٸني الاۋىزدىقتى قوزدىرعانى" ٷشٸن ٸزدەۋ جارييالانعان بولاتىن.
