"بارني تەك سىلتاۋ بولعان": مەركٸدە قازا تاپقان مادينانىڭ تۋىسى جاڭا دەرەكتەردٸ ايتتى

مەركٸدە قازا تاپقان 19 جاستاعى مادينانىڭ تۋىستارى ٸستٸڭ ەدٸل ەرٸ جان-جاقتى تەرگەلۋٸن تالاپ ەتٸپ وتىر. مارقۇمنىڭ تەتەسٸ مەحريحاننىڭ ايتۋىنشا, مادينا قايتىس بولاردان از ۋاقىت بۇرىن اجىراسۋعا ٶتٸنٸش بەرٸپ, زاتتارىن جيناپ, كٷيەۋٸنەن كەتۋگە دايىندالعان, دەپ حابارلايدى dalanews.kz.

CMN باسىلىمىنىڭ جازۋىنشا, تۋىستارى جاس كەلٸنشەكتٸڭ ٶزٸنە قول جۇمساعانىنا سەنبەيدٸ جەنە ونىڭ ٶلٸمٸنە قاتىستى بارلىق مەن-جايدىڭ انىقتالۋىن تالاپ ەتەدٸ.

وقيعا قالاي بولعان?

19 جاستاعى مادينا اۆەزوۆا 16 تامىزدا مەركٸدە قايتىس بولدى. بۇعان دەيٸن باق-تا ونىڭ وتباسىلىق جانجالدان كەيٸن ٶزٸنە قول جۇمساۋى مٷمكٸن ەكەنٸ حابارلانعان.

وقيعا تۋرالى العاشقىلاردىڭ بٸرٸ بولىپ مادينانىڭ قۇربىسى زەينەپ Threads جەلٸسٸندە جازدى. ونىڭ ايتۋىنشا, قايعىلى جاعدايدىڭ الدىندا مادينانى كٷيەۋٸ مادييار "بارني" بيسكۆيتٸنە بايلانىستى تۋىنداعان جانجال كەزٸندە ۇرعان.

زەينەپ مارقۇممەن اراداعى حات الماسۋدىڭ سكرينشوتتارىن دا جارييالادى. وندا مادينا كٷيەۋٸنٸڭ تەتتٸنٸ بالاسىنا الىپ كەلگەنٸن, ٶزٸ بٸرەۋٸن جەپ قويعاننان كەيٸن جانجال باستالعانىن ايتقان. كەيٸن سٶزگە ەنەسٸ دە ارالاسقان. مادينانىڭ جازۋىنشا, كٷيەۋٸ اناسىنا دٶرەكٸ جاۋاپ بەردٸ دەگەن سەبەپپەن ونى ۇرعان.

كٶپ ۇزاماي مادينا اسىلىپ قالعان كٷيٸندە تابىلعانى حابارلاندى. پوليتسييا "ٶزٸن-ٶزٸ ٶلتٸرۋگە دەيٸن جەتكٸزۋ" دەرەگٸ بويىنشا سوتقا دەيٸنگٸ تەرگەۋدٸ باستادى. الايدا مارقۇمنىڭ جاقىندارى بۇل نۇسقامەن كەلٸسپەيدٸ.

تۋىستارى مادينانىڭ دەنەسٸن بٸردەن كٶرە الماعان

مادينانىڭ تەتەسٸ مەحريحاننىڭ سٶزٸنشە, قىزدىڭ قازاسى تۋرالى ەستٸگەن اناسى تۋىستارىمەن بٸرگە مەركٸگە بارعان. ول كەزدە ەيەلدٸڭ جاعدايى ٶتە اۋىر بولعان.

"ول جىلاپ تۇردى. قولتىعىنان دەمەپ جٷردٸ, ەسٸنەن تانىپ قالا جازدادى. "مادينانى كٶردٸڭ بە?" دەپ سۇرادىم. ول بٸر سەت قانا كٶرگەنٸن, كٶزٸن اشا الماعانىن ايتتى. قولىنان ۇستاپ, "جٷر, ٶزٸمٸز بارىپ كٶرەمٸز" دەدٸم", – دەيدٸ مەحريحان.

تۋىسىنىڭ ايتۋىنشا, باستاپقىدا ولاردى مەيٸتكە جاقىنداتقىسى كەلمەگەن. سوعان قاراماستان, مەحريحان ەپكەسٸمەن بٸرگە ٸشكە كٸرگەن.

"بٸزگە "كٸرمەڭدەر, بٸزبەن بٸرگە كٸرەسٸڭدەر, ول ەندٸ بٸزدٸكٸ" دەگەندەر بولدى. مادينانىڭ كٷيەۋٸن دە, ەنەسٸن دە كٶرمەدٸك. بٸزگە ەشكٸم كٶڭٸل دە ايتپادى", – دەيدٸ ول.

مەحريحان مادينانىڭ دەنەسٸن ٶزٸ كٶرگەنٸن ايتىپ, وندا كٶپتەگەن جاراقات بەلگٸلەرٸ بولعانىن مەلٸمدەدٸ. بۇل – تۋىسىنىڭ سٶزٸ, جاراقاتتاردىڭ ناقتى سيپاتى مەن پايدا بولۋ سەبەبٸن سوت-مەديتسينالىق ساراپتاما انىقتاۋى تيٸس.

وتباسى قايتا ساراپتاما جٷرگٸزۋدٸ تالاپ ەتكەن

مادينانىڭ تۋىستارى ونىڭ ٶزٸنە قول جۇمساعانى تۋرالى نۇسقاعا كٷمەن كەلتٸرٸپ, تەرگەۋشٸمەن بايلانىسقان جەنە قايتا سوت-مەديتسينالىق ساراپتاما جٷرگٸزۋدٸ تالاپ ەتكەن.

مەيٸت مورگقا جەتكٸزٸلٸپ, جاقىندارى سوندا تاڭعا دەيٸن قالعان. مەحريحاننىڭ ايتۋىنشا, تەك كەلەسٸ كٷنٸ عانا مادينانىڭ دەنەسٸن الىپ كەتە العان.

ول مورگ ماڭىندا ەكٸ جاقتىڭ تۋىستارى اراسىندا جانجال بولعانىن دا مەلٸمدەدٸ.

"مورگتىڭ الدىندا بٸزبەن ۇرىسىپ, مەيٸتتٸ جەرلەۋگە بەرگٸسٸ كەلمەدٸ. بٸراق زاڭ بويىنشا ونى مەنٸڭ ەپكەم عانا الا الادى. بٸزگە, كٷيەۋٸمە بٸرنەشە ادام تاپ بەردٸ. ولاردىڭ تۋىستارى شامامەن 20 كٶلٸكپەن كەلدٸ. تٸپتٸ بٸرەۋٸ ورگانداردا جۇمىس ٸستەيتٸنٸن ايتىپ, بٸزدٸ قورقىتتى. سوعان قاراماستان مادينانىڭ دەنەسٸن الماتىعا الىپ كەتتٸك", – دەيدٸ ەيەل.

مەحريحاننىڭ سٶزٸنشە, كٷيەۋٸنٸڭ تۋىستارى مادينانى جاقىندارىنا حابارلاماي, تەزٸرەك جەرلەۋدٸ جوسپارلاعان.

"ولار ونى تەز جەرلەگٸسٸ كەلگەن. الدىمەن تٷنگٸ ٷشتە, كەيٸن بەستە, ودان سوڭ تاڭعى جەتٸدە جەرلەۋدٸ جوسپارلاپتى. جەرٸن دە قازىپ قويعان. مادينا كەشكٸ ساعات وندا قايتىس بولدى. تاڭ اتپاي جەرلەمەك بولعان. بٸزگە حابارلاعان جوق, رۇقسات سۇرامادى", – دەيدٸ ول.

تۋىستارى سوت-مەديتسينالىق ساراپتامانىڭ تٷپكٸلٸكتٸ قورىتىندىسىن كٷتٸپ وتىر.

"اجىراسۋعا ٶتٸنٸش بەرگەن"

مەحريحاننىڭ ايتۋىنشا, مادينا قايتىس بولاردان بۇرىن كٷيەۋٸنەن كەتۋگە دايىندالعان. ونىڭ سٶزٸنشە, مادينانى 17 جاسىندا الىپ قاشقان. سول كەزدە تۋىستارى قىزدى الىپ كەتۋگە بارعانىمەن, مادينا ٶزٸ قالۋعا شەشٸم قابىلداعان.

"ول ونى الداپ كٶندٸردٸ. بٸز ارتىنان باردىق, بٸراق ٶزٸ قالعىسى كەلدٸ. جاس قوي, كٶپ نەرسەنٸ تٷسٸنبەدٸ. قۇدالار توي دا, قۇدالىق تا ٶتكٸزگەن جوق, تەك بەتاشار جاسالدى", – دەيدٸ مەحريحان.

تۋىسىنىڭ ايتۋىنشا, ەرلٸ-زايىپتى اراسىندا بۇعان دەيٸن دە بٸرنەشە رەت جانجال بولعان. كەي كەزدەرٸ مادينا اناسىنىڭ ٷيٸنە كەتٸپ قالىپ, كەيٸن كٷيەۋٸ كەشٸرٸم سۇراعان سوڭ قايتا ورالىپ جٷرگەن.

مەحريحان مادينانىڭ قازا بولعان كٷنٸ احات بٶلٸمٸنە بارىپ, نەكەنٸ بۇزۋ تۋرالى ٶتٸنٸش بەرگەنٸن ايتادى.

"تٷستە احات-قا بارىپ, اجىراسۋعا ٶتٸنٸش جازعان. ول مۇنى بٸلٸپ, مادينانى ۇرعان. "بارني" تەك سىلتاۋ بولعان. مادينا زاتتارىن دا جيناپ, سۋرەتٸن قۇربىسىنا جٸبەرگەن. بۇل ٶزٸنە قول جۇمساماق بولعان ادامنىڭ ەرەكەتٸنە ۇقسامايدى", – دەيدٸ تۋىسى.

مادينانىڭ قۇربىسى زەينەپ تە قايعىلى وقيعادان بٸر كٷن بۇرىن ونىڭ الماتىدان پەتەر ٸزدەپ, ٷي يەسٸمەن بايلانىسقانىن ايتقان.

قۇربىسى بۇعان دەيٸنگٸ جانجالداردىڭ كۋەسٸ بولعانىن ايتادى

مادينانىڭ تەتەسٸنٸڭ سٶزٸنشە, زەينەپ قۇربىسىنىڭ ٷيٸنە مەركٸگە بارىپ, بٸر اپتا تۇرعان. مەحريحان سول كەزدە زەينەپ مادينانىڭ كٷيەۋٸنەن جەبٸر كٶرگەنٸنە كۋە بولعانىن مەلٸمدەدٸ.

ونىڭ ايتۋىنشا, جاس وتباسىنىڭ قارجىلىق جاعدايى دا قيىن بولعان. مادينا اناسىنا حابارلاسىپ, ازىق-تٷلٸك پەن تۇرمىستىق قاجەتتٸلٸكتەرگە اقشا سۇراپ وتىرعان.

تۋىسى سونداي-اق مادينانى اناسىنا قاتىستى مەسەلەلەرمەن قورقىتقانىن العا تارتتى. بۇدان بٶلەك, مەحريحان مادينانىڭ جٷكتٸ بولعانىن, جٷكتٸلٸك مەرزٸمٸ شامامەن سەگٸز اپتا بولعانىن مەلٸمدەدٸ. ونىڭ بۇرىن دا جٷكتٸلٸگٸ ٷزٸلٸپ قالعانىن ايتىپ, مۇنى دا زورلىق-زومبىلىقپەن بايلانىستىرادى. الايدا بۇل مەلٸمدەمەلەرگە قاتىستى رەسمي ساراپتاما قورىتىندىسى جارييالانعان جوق.

"ول ٶمٸردٸ جاقسى كٶرەتٸن"

مەحريحان مادينانى جەرلەۋگە دايىنداۋعا ٶزٸ قاتىسقانىن ايتتى. ونىڭ سٶزٸنشە, مارقۇمنىڭ دەنەسٸندە تىرنالعان جەنە كٶگەرگەن جەرلەر بولعان, ال شاشىنا شٶپ ارالاسىپ قالعان.

"ونى ٶزٸم جۋىندىردىم, بەرٸن ٶز كٶزٸممەن كٶردٸم. زەينەپتٸ شاقىرىپ, سۋرەتكە تٷسٸرۋٸن ٶتٸندٸم. دەنەسٸ تىرنالعان, شاشى ۇيىسىپ, شٶپ ارالاسىپ قالعان. ارقاسى شىبىقپەن ۇرعانداي نەمەسە سٷيرەگەندەي كٶرٸندٸ. كٷيەۋ بالا ونى جٸپتەن تٷسٸرگەننەن كەيٸن جەردە سٷيرەگەنٸن ايتىپ وتىر", – دەيدٸ مەحريحان.

دەگەنمەن مادينانىڭ ناقتى نەدەن قايتىس بولعانىن جەنە دەنەسٸندەگٸ جاراقاتتاردىڭ قالاي پايدا بولعانىن تەرگەۋ مەن سوت-مەديتسينالىق ساراپتاما انىقتاۋى تيٸس.

قازٸر مارقۇمنىڭ وتباسى ٸستٸڭ وبەكتيۆتٸ تەرگەلٸپ, كٸنەلٸ ادام بولسا, زاڭ اياسىندا جاۋاپقا تارتىلۋىن تالاپ ەتٸپ وتىر.

"بالا سولاردا. بٸز ول كەزدە بالانى ويلاۋعا دا شامامىز كەلمەدٸ. بٸزگە ەدٸلدٸك كەرەك. كٸنەلٸ ادام لايىقتى جازاسىن السىن دەيمٸز. سودان كەيٸن بالانى مادينانىڭ اناسىنا بەرەدٸ. ول زاتتارىن جيناپ, قۇربىسىنا سۋرەتٸن جٸبەرٸپ, ارتىنشا ٶزٸنە قول جۇمسايتىن ادام ەمەس ەدٸ. ول جاڭا ٶمٸر باستاعىسى كەلدٸ. مادينا وتباسىنداعى جالعىز قىز بولاتىن. اناسى ونى جالعىز ٶسٸردٸ", – دەدٸ مارقۇمنىڭ تەتەسٸ.