مەجٸلٸس دەپۋتاتى ەرمۇرات باپي كۋلۋاردا ەكس-پرەزيدەنتتٸڭ قىزى ەلييا نازارباەۆانىڭ رەيدەرلٸك ەرەكەتتەرٸنە قاتىستى پٸكٸر بٸلدٸردٸ, - دەپ حابارلايدى Dalanews.kz.
"ساسقان ٷيرەك قۇيرىعىمەن سٷڭگيدٸ دەي مە?! سونىڭ كەرٸ عوي. ٶز كٶزٸممەن ەلييا نازارباەۆانىڭ قولى قويىلعان نوتاريالدىق قۇجاتتى كٶردٸم. تٷپنۇسقا. ەلييا نازارباەۆانىڭ ٶزٸ قول قويعان كەلٸسٸمشارتتى, كومپانييانى ٶزٸنە الۋ جٶنٸندەگٸ قۇرىلتايشىلىق قۇجاتتى كٶردٸم. روگوۆانىڭ قول قويعان قۇجاتتارىن كٶردٸم. مۇنىڭ بەرٸ مٶرٸ سوعىلىپ, قولى قويىلعان قۇجاتتار عوي. اسپاننان كەلگەن جوق, بٸرەۋ قولدان جاساعان جوق. سونى كٶرە تۇرىپ, بٸلە تۇرىپ, وسىنداي قىلمىستى جاساي تۇرىپ, كەزٸندە مەنشٸگٸنەن ايرىلىپ قالعان ادامداردى قاساقانا, قيتۇرقىلىقپەن قايتا سوتقا بەرۋ بارىپ تۇرىپ ارسىزدىق دەپ ويلايمىن", - دەدٸ باپي.
دەپۋتات "پروكۋراتۋرا, سوت جٷيەسٸ نازارباەۆانىڭ ىعىنا جىعىلىپ كەتپەي مە?" دەگەن ساۋالعا دا جاۋاپ بەردٸ.
"قازٸردٸڭ ٶزٸندە جىعىلىپ جاتقان سىڭايى بار عوي. مەن ٶزٸم دەپۋتاتتىق ساۋال سالدىم. وعان جالتارما جاۋاپ كەلدٸ. 160 ميلليون دوللارلىق اكتيۆٸ بار, بيزنەسٸنەن ايرىلعان جٸگٸتتەر سوتقا بەردٸ. ٸس قوزعاۋ جٶنٸندە پروكۋراتۋراعا بەردٸ. ەشقايسىنا دۇرىس جاۋاپ جوق. بارلىعىنىڭ جاعىندا ەلييا نازارباەۆا سۋدان تازا, سٷتتەن اق", - دەدٸ ول.
ايتا كەتەيٸك, بيىل 28 اقپاندا "TPK Asia" جشس قۇرىلتايشىسى نۇرلان بيمۋرزين سەرٸكتەسٸ مەگدات قاليەۆ ەكەۋٸ نازارباەۆا مەن روگوۆانىڭ رەيدەرلٸك شابۋىلىنىڭ قۇربانى بولعانىن مەلٸمدەگەن بولاتىن.
بيمۋرزيننٸڭ ايتۋىنشا, 2003 جىلى ەلييا نازارباەۆا ٶز ىقپالىن پايدالانا وتىرىپ, قۇنى 170 ميلليون دوللار بولاتىن (2003 جىلعى ەسەپ بويىنشا - ەسك.) جەتٸ مۇناي بازاسى مەن 96 جانارماي قۇيۋ بەكەتٸن تارتىپ العان.
"باسىندا قارجى پوليتسيياسى قىسىم كٶرسەتتٸ. سوسىن ەلييا نازارباەۆانىڭ ٶكٸلٸ كەلٸپ, بٸزگە قورعان بولۋعا شامالارى جەتەتٸنٸن جەتكٸزدٸ. ول ٷشٸن بيزنەستٸڭ 50 پايىزى بەرٸلۋٸ كەرەگٸن ايتتى. بٸر جىلدان كەيٸن ەلييا نازارباەۆا ەندٸ قالعان ٷلەستٸ دە بەرۋ كەرەگٸن ەسكەرتتٸ. سول جىلى مەنٸڭ ەكەمدٸ ولار الىپ كەتٸپ, نازارباەۆانىڭ كەڭسەسٸنە اپارعان. ەكەممەن سٶيلەسكەن. ەكٸ ۇلىڭ ٷشٸن الاڭداساڭ, بيزنەسٸڭدٸ بەر دەگەن. امال جوق, ەكەم كەلٸسەدٸ.
كەلەسٸ كٷنٸ مەن باردىم. ول جەردە ەلييا بولعان جوق, بٸراق ونىڭ ورنىنا روگوۆا بولدى. مەن سول جەردە ٷلەسٸمدٸ بار جوعى 18 125 تەڭگەگە ساتۋعا مەجبٷر بولدىم", - دەيدٸ نۇرلان بيمۋرزين.
14 ناۋرىزدا باس پروكۋراتۋرا نازارباەۆانىڭ رەيدەرلٸك ەرەكەتٸ تۋرالى ارىز تٸركەلگەنٸن حابارلادى. الايدا 5 سەۋٸردە پوليتسييا ەكس-پرەزيدەنتتٸڭ كەنجە قىزىنا قاتىستى قىلمىستىق ٸس قوزعاۋدان باس تارتقانى بەلگٸلٸ بولدى.
