قاسىم-جومارت توقاەۆتىڭ Turkistan گازەتٸنە بەرگەن كٶلەمدٸ سۇحباتى جارييالاندى, دەپ حابارلايدى Dalanews.kz.
– ەلدٸڭ قورعانىس قابٸلەتٸ ايرىقشا ماڭىزدى ەكەنٸن بەرٸمٸز بٸلەمٸز. بٸراق, ساربازداردىڭ ٶلٸمٸنە قاتىستى وقيعالار ەسكەري قىزمەتتٸڭ بەدەلٸن, قارۋلى كٷشتەرٸمٸزدٸڭ ابىرويىن تٷسٸرٸپ جاتىر. سٸز ارميياداعى احۋالدى قالاي باعالار ەدٸڭٸز?
– مەن ەسكەري بورىشىن ٶتەۋگە شاقىرىلعان ساربازداردىڭ جاراقات الۋى مەن قازا بولۋىنا قاتىستى وقيعالاردى ٶركەنيەتتٸ ەلگە جات, تەرٸس ٷردٸس دەپ سانايمىن. بەيبٸت زاماندا مۇنداي جايتتار بولماۋعا تيٸس. بۇل تۋرالى بارلىق كٷشتٸك قۇرىلىم باسشىلارىمەن جۋىردا ٶتكەن كەڭەستە دە ايتتىم. قورعانىس سالاسىنا جاۋاپتى مەكەمەنٸڭ باسشىلىعىن تەربيە جۇمىسىن دۇرىس قاداعالاماي وتىرعانى ٷشٸن سىنعا الدىم. ارمييا جاستارعا قولداۋ كٶرسەتٸپ, ولاردى ەلٸمٸزدٸڭ ناعىز ازاماتى رەتٸندە تەربيەلەپ شىعارۋى كەرەك. كومانديرلەر ەسكەري قىزمەتشٸلەرگە ٷلگٸ-ٶنەگە بولۋعا تيٸس. ەسكەردە ەلٸمجەتتٸككە, بۇزاقىلىققا, رۋشىلدىققا, جەرشٸلدٸككە ورىن جوق, ونداي جايتتارعا جول بەرٸلمەيدٸ. مۇنىڭ بەرٸن ٶزٸم جەكە قاداعالاپ وتىرامىن.
مەن احۋالدى تٷزەۋ ٷشٸن شۇعىل شارالار قابىلداۋ جٶنٸندە بۇيرىق بەردٸم. دەگەنمەن, قايعىلى وقيعالار ەسكەري بٶلٸمشەلەردٸڭ بەرٸندە بولىپ جاتپاعانىن اتاپ ٶتكەن جٶن.
تەكسەرۋ جۇمىستارى, جالپى, ەسكەردەگٸ تەرتٸپ قاتاڭ ساقتالاتىنىن كٶرسەتتٸ. تانىمالدىققا ۇمتىلعان كەيبٸر بلوگەرلەر ەسكەردەگٸ شىنايى احۋالعا مٷلدەم جاناسپايتىن سٶز تاراتىپ جٷر. ولار ارمييانى ساربازدار كٷن سايىن دەرلٸك قىلمىسكەرلەردٸڭ قۇربانىنا اينالىپ, قازا تاباتىن جەر رەتٸندە كٶرسەتكٸسٸ كەلەدٸ.
شىن مەنٸندە, سارباز بولۋ – ٶزٸڭدٸ دامىتۋ ٷشٸن تىڭ مٷمكٸندٸكتەرگە يە بولۋ دەگەن سٶز. ەسكەري بورىشىن ٶتەپ قايتقان جاستار جوعارى وقۋ ورىندارى مەن كوللەدجدەردە تەگٸن وقي الادى.
ولار ەسكەردە جٷرگەندە سۇرانىسقا يە ماماندىقتاردى مەڭگەرەدٸ. كەلٸسٸمشارتپەن جۇمىس ٸستەيتٸن ەسكەري قىزمەتشٸلەر مەن وفيتسەرلەر ەلەۋمەتتٸك جاعىنان بارىنشا قورعالعان.
ارمييادا تەمٸردەي تەرتٸپ بولۋعا تيٸس. ساربازدار انت بەرگەندە ايتاتىن «ەسكەري قىزمەتتٸڭ اۋىرتپالىقتارى مەن قيىنشىلىقتارىن تاباندىلىقپەن كٶتەرەمٸن» دەگەن سٶزدەن ەسكەري ٶمٸردٸڭ قاتاڭدىعىن ايقىن اڭعارۋعا بولادى.
ەسكەري قىزمەتتٸڭ ابىروي-بەدەلٸن كٶتەرۋ جەنە ەلٸمٸزدٸڭ قورعانىس قابٸلەتٸن ارتتىرۋ – مەملەكەتتٸڭ باستى باسىمدىعىنىڭ بٸرٸ. قارۋلى كٷشتەرٸمٸزدٸ تەحنولوگييالىق تۇرعىدان جاڭعىرتۋ جۇمىسى قارقىندى جٷرگٸزٸلە باستادى. بىلتىر ۇلى جەڭٸستٸڭ 80 جىلدىعىنا وراي ٶتكٸزٸلگەن ەسكەري شەرۋدٸ شەتەلدٸك ساياساتكەرلەر مەن ەسكەري قايراتكەرلەر جوعارى باعالادى, بۇل ٸس-شارا ارمييامىزدىڭ زاماناۋي قارۋ-جاراقپەن جەنە تەحنيكامەن, سونىڭ ٸشٸندە قازاقستاندا جاسالعان ٶنٸمدەرمەن تولىق جابدىقتالعانىن, سونداي-اق, ەسكەري قىزمەتشٸلەرٸمٸزدٸڭ دايىندىعى ٶتە جاقسى ەكەنٸن ايقىن كٶرسەتتٸ. ەسكەري بٶلٸمشەلەرٸمٸز ەل ٸشٸندەگٸ جەنە حالىقارالىق دەڭگەيدەگٸ جاتتىعۋلاردا تاماشا نەتيجەگە جەتٸپ جٷر. قازاقستاندا كوللەدجدەردەن باستاپ ۋنيۆەرسيتەتكە دەيٸنگٸ بٸلٸم جەنە عىلىم مەكەمەلەرٸن تٷگەل قامتيتىن ۇلتتىق ەسكەري مەكتەپ قالىپتاستى.
جۋىردا تارازداعى مامانداندىرىلعان ەسكەري مەكتەپكە باردىم. وندا ەلەۋمەتتٸك جاعىنان وسال توپتاعى وتباسىلاردان شىققان بالالار وقيدى. بۇل – جاقسى باستاما. مەن وسى مەكتەپكە اتى اڭىزعا اينالعان باتىرىمىز باۋىرجان مومىشۇلىنىڭ ەسٸمٸن بەرۋ تۋرالى شەشٸم قابىلدادىم. وبلىس ورتالىعىنىڭ بەرٸندە وسىنداي مەكتەپ اشۋ تۋرالى تاپسىرما بەردٸم. بۇل بٸلٸم مەكەمەلەرٸندە بٷكٸل ەلٸمٸز ماقتان تۇتاتىن ساردارلار مەن گەنەرالدار تەربيەلەنٸپ شىعاتىنىنا سەنٸمدٸمٸن.
