دەرەككٶزدٸڭ ايتۋىنشا, بارادار بوسقىندار ٸسٸنە جاۋاپ بەرەتٸن حاليل راحمان حاككانيمەن كەلٸسپەي قالعان. ەكەۋٸنٸڭ اراسىنداعى كەلٸسپەۋشٸلٸك داۋعا ۇلاسقان. بارادار جاڭادان جاساقتالعان ٷكٸمەتتٸڭ قۇرىلىمى مەن قۇرامىنا كٶڭٸلٸ تولماعان.
نەگٸزگٸ داۋدىڭ باسى "تاليبانعا" جەڭٸستٸ ەپەرگەن كٸم دەگەن سۇراق تٶڭٸرەگٸندە ٶربٸگەن. بارادار اقش ەسكەرٸن شىعارۋ جٶنٸندەگٸ دوحا كەلٸسٸمٸ جەڭٸس ەكەلدٸ دەگەن. ول ديپلوماتييا جەڭدٸ دەگەن.
ال "حاككاني جەلٸسٸ" توبىنىڭ جەتەكشٸسٸ حاككاني تەلٸپتەرگە جەڭٸس ەپەرگەن قارۋلى ەسكەر دەپ اتاعان.
جانجالدان كەيٸن بارادار كابۋلدان كەتٸپ, قانداعارعا بارعان.
تەلٸپتەردٸڭ تاريحىندا العاش رەت اقش پرەزيدەنتٸمەن تٸكەلەي كەلٸسسٶزدەر جٷرگەن دەل وسى – بارادار بولاتىن. 2020 جىلى ول سول تۇستاعى اق ٷي باسشىسى دونالد ترامپپەن تەلەفون ارقىلى تٸلدەسكەن.
بۇعان دەيٸن بارادار امەريكانىڭ جوعارى لاۋازىمدى تۇلعالارىمەن دوحادا جٷزدەسكەن, سوعان ساي اقش ەسكەرٸنٸڭ اۋعانستان اۋماعىن تولىق تاستاپ شىعاتىنى تۋرالى كەلٸسٸمگە قول قويىلعان.
بارادارمەن جانجالداسىپ قالعان "حاككاني جەلٸسٸ" توبى اۋعانستاننىڭ ەسكەريلەرٸ مەن ونىڭ باتىستاعى وداقتاستارىنا قارسى قاندى قىرعىن ۇيىمداستىرعان ۇيىم رەتٸندە تانىمال. كٶپتەگەن ەلدەردە بۇل توپ تەررريستٸك ۇيىم رەتٸندە تانىلعان.
توپ جەتەكشٸسٸ سيرادجۋددين حاككاني اۋعانستاننىڭ جاڭادان جاساقتالعان ٷكٸمەتٸندە ٸشكٸ ٸستەر مينيسترٸ بولىپ تاعايىندالعان.
وسىنىڭ الدىندا بٸرقاتار باسىلىمداردا بارادار جانجالدان كەيٸن اۋىر جاراقات الىپ, قايتىس بولدى دەگەن اقپارات جارييالانعان. بٸراق 13 قىركٷيەكتە "تاليبان" اۋديوجازبا تاراتتى. وندا باراداردىڭ داۋىسى دەلٸنگەن ادام ٶزٸنٸڭ ٶلگەنٸن تەرٸسكە شىعارادى.
الايدا ەلٸ رەسمي اقپارات جوق. دەگەنمەن كٶپتەگەن اۋعاندىقتار تەلٸپتەرگە سەنبەيدٸ. مەسەلەن 2015 جىلى تەلٸپتەر ليدەرٸ مولدا وماردىڭ ٶلٸمٸن ەكٸ جىل بويى جاسىرىپ كەلدٸ. ەكٸ جىل بويى ونىڭ اتىنان رەسمي مەلٸمدەمەلەر تاراتىلىپ تۇرعان.
