باقىتجان ساعىنتاەۆ ٶزٸنٸڭ Instagram-داعى پاراقشاسىندا الماتىنىڭ تاۋ كلاستەرٸنٸڭ تۋريستٸك ەلەۋەتٸن دامىتۋدا ەڭ باستىسى تۋريستەر مەن الپينيستەردٸڭ قاۋٸپسٸزدٸگٸ مەن جايلىلىعى ەكەنٸن اتاپ ٶتتٸ.
جۇمىس ساپارى كەزٸندە الماتى ەكٸمٸ مودۋلدٸك قۇرىلىم سيياقتى ٷيشٸكتەردٸڭ قالاي قۇراستىرىلىپ جاتقانىن تەكسەردٸ.
– قىزعىلت سارى تٷستٸ مودۋلدەردٸڭ ٸشٸ جىلىتۋ پەشٸ, اپاتتىق جاعدايدا قاجەت جيناقپەن جابدىقتالعان. ٸشٸندە العاشقى كٶمەك كٶرسەتۋ جيناعى, مارشرۋت كارتاسى, موبيلدٸ قۇرىلعىنى قۋاتتاۋ ستانساسى, جىلى كٶرپە مەن ازىق-تٷلٸك جيىنتىعى بار. شاتىردا SOS سپۋتنيكتٸك سيگنالىن قۇتقارۋشىلار پۋلتٸنە جٸبەرەتٸن دابىل تٷيمەلەرٸ بار راديورەلەلٸك دٸڭگەكتەر ورناتىلعان, – دەپ جازدى باقىتجان ساعىنتاەۆ.
تاۋداعى قاۋٸپسٸزدٸك شارالارى شەڭبەرٸندە ٷلكەن الماتى مەن تۇيىق سۋ شاتقالدارىندا باقىلاۋ-قۇتقارۋ پۋنكتٸ اشىلادى. وندا تٸكۇشاق الاڭىن اشۋ دا جوسپاردا بار. «شىمبۇلاقتا» قىسقى ماۋسىمعا دايىندىق جٷرگٸزٸلۋدە – شاڭعى تراسسالارى مەن قوناق ٷي جاڭارتىلۋدا. سونداي-اق ۆيزيت-ورتالىق اشىلادى.
الماتى ەكٸمٸ Medeu Park Hotel-دٸ قۇرۋ, جاڭارتىلعان Qazaq Auyl ەكوكەشەنٸ مەن الپينيستەردٸڭ سٷيٸكتٸ مەكەنٸ – تۇيىق سۋ شاتقالىنداعى گلەمپينگتٸ قۇرۋ جوبالارىمەن تانىستى. «مەدەۋدٸڭ» تٶمەنگٸ بٶلٸگٸندە ارقانى بار ساياباق پەن دەنساۋلىق جولى سالىنۋدا.
