"باقىتجان بايجانوۆتى كەشىرۋگە دايىنبىز" - قايرات نۇكەنوۆ

كوركەم الدابەرگەنوۆا 09 ءساۋ. 2024 15:55 5586

سالتانات نۇكەنوۆانىڭ اعاسى قايرات نۇكەنوۆ باقىتجان بايجانوۆتى كەشىرۋگە دايىن ەكەندەرىن ايتتى، - دەپ حابارلايدى Dalanews.kz ۇلىسمەدياعا سىلتەپ.

بۇل تۋرالى قايرات نۇكەنوۆ سوت كۋلۋارىندا جۋرناليستەردىڭ سۇراعىنا جاۋاپ بەرگەن كەزدە ايتقان. 

"ول بۇگىنگى تاڭدا تەك اعاسىنىڭ كەسىرىنەن تەرگەلىپ جاتىر. ول بەس اي بويى تەرگەلىپ جاتقانى ءۇشىن اعاسىنا "كوپ راحمەت" ايتۋى كەرەك. ونىڭ بالالارى بارىن بىلەمىز. ايەلى، اكە-شەشەسى بار. اكە-شەشەسىمەن كەزدەستىك. وتە جاقسى وتباسى. ماعان سولاي كورىندى. بايجانوۆ بيشىمبايەۆ سياقتى ەمەس – ول ءبارىن سونىڭ ىقپالىمەن ىستەگەن. ول سوتتا شىن جاۋاپ بەرسە، ءبىز دە ادامبىز عوي – كەشىرۋگە دايىنبىز"، – دەدى قايرات نۇكەنوۆ.

بۇعان دەيىن سوت وتىرىسىندا باقىتجان بايجانوۆتىڭ ادۆوكاتى سوتقا ءوتىنىش جاساعان بولاتىن. ونىڭ سوزىنشە، بايجانوۆ بيشىمبايەۆتان بولەك وتىرعىسى كەلەتىنىن ايتتى.

"بيشىمبايەۆتى بايجانوۆتان الىس وتىرعىزۋ قاجەت. بايجانوۆ وزىنە قىسىم كورسەتىلىپ جاتىر دەپ سانايدى. ولاردىڭ اراسىندا كيكىلجىڭ بولىپ جاتىر. تىم قۇرىعاندا ەرتەڭگى وتىرىستا قۋاندىقتان اۋلاق وتىرسا بولار ەدى"، - دەدى بايجانوۆتىڭ ادۆوكاتى.

كەيىن مۇنى بيشىمبايەۆتىڭ ءىنىسى بايجانوۆتىڭ ءوزى دە راستادى.

"ول ماعان جاۋاپ بەرۋ كەزىندە "بىلاي ايت، بىلاي ايت" دەپ قىسىم كورسەتىپ جاتىر"، - دەدى بايجانوۆ.

باقىتجان بايجانوۆقا قىلمىستىق كودەكستىڭ ەكى بابى بويىنشا ايتىپ تاعىلعان:

  • 432-بابى (اسا اۋىر قىلمىستى جاسىرىپ قالۋ)؛
  • 434-بابى (اسا اۋىر قىلمىستى حابارلاماۋ).

ۇسىنىلعان
سوڭعى جاڭالىقتار