Saltanat Núkenovanyń aǵasy Qairat Núkenov Baqytjan Baijanovty keshirýge daiyn ekenderin aitty, - dep habarlaidy Dalanews.kz Ulysmediaǵa siltep.
Bul týraly Qairat Núkenov sot kýlýarynda jýrnalisterdiń suraǵyna jaýap bergen kezde aitqan.
"Ol búgingi tańda tek aǵasynyń kesirinen tergelip jatyr. Ol bes ai boiy tergelip jatqany úshin aǵasyna "kóp rahmet" aitýy kerek. Onyń balalary baryn bilemiz. Áieli, áke-sheshesi bar. Áke-sheshesimen kezdestik. Óte jaqsy otbasy. Maǵan solai kórindi. Baijanov Bishimbaev siiaqty emes – ol bárin sonyń yqpalymen istegen. Ol sotta shyn jaýap berse, biz de adambyz ǵoi – keshirýge daiynbyz", – dedi Qairat Núkenov.
Buǵan deiin sot otyrysynda Baqytjan Baijanovtyń advokaty sotqa ótinish jasaǵan bolatyn. Onyń sózinshe, Baijanov Bishimbaevtan bólek otyrǵysy keletinin aitty.
"Bishimbaevty Baijanovtan alys otyrǵyzý qajet. Baijanov ózine qysym kórsetilip jatyr dep sanaidy. Olardyń arasynda kikiljiń bolyp jatyr. Tym quryǵanda erteńgi otyrysta Qýandyqtan aýlaq otyrsa bolar edi", - dedi Baijanovtyń advokaty.
Keiin muny Bishimbaevtyń inisi Baijanovtyń ózi de rastady.
"Ol maǵan jaýap berý kezinde "bylai ait, bylai ait" dep qysym kórsetip jatyr", - dedi Baijanov.
Baqytjan Baijanovqa Qylmystyq kodekstiń eki baby boiynsha aityp taǵylǵan:
- 432-baby (asa aýyr qylmysty jasyryp qalý);
- 434-baby (asa aýyr qylmysty habarlamaý).
