الەۋمەتتىك جەلىنى شولىپ شىعىڭىزشى. بايان تۋرالى جازباعاندار كەمدە-كەم. بىرەۋگە ۇنايدى، بىرەۋ جەك كورەدى بۇل ايەلدى.
باياننىڭ بۇرىنعى كۇيەۋى باقىتبەك سوتتالىپ كەتتى. ايەلىن ساباعانى ءۇشىن. قان-جوسا قىلعان. بايان جانساقتاۋ بولىمىنەن ءبىر-اق شىقتى. ءبىر قىزىعى، العاش باحانى جازعىرعان جۇرت، ءقازىر وعان جاقتاسىپ جاتىر. تۇرمەدە جاتقان باقىتبەك ەسەنتايەۆ اعىنان جارىلدى
ونىڭ قورعاۋشىسى بەكبولات جەكسەيىتوۆتىڭ ايتۋىنشا، ەسەنتايەۆتىڭ جازاسىن جۇمسارتۋ قاجەت. بۇعان بىرنەشە سەبەپ بار. «ەركەكتەر ءتۇسىنۋى ءتيىس» دەيدى باحانىڭ قورعاۋشىسى.
بۇل تۋرالى ول Today.kz-كە بەرگەن سۇحباتىندا ايتىپ بەرىپتى.
جەكسەيىتوۆتىڭ سوزىنەن مىنانى تۇسىندىك. كۇنى كەشە باياننىڭ ءوزى بۇرىنعى كۇيەۋىنىڭ ۇكىمىن قايتا قاراۋ تۋرالى جوعارى سوتقا ءوتىنىش جىبەرگەن. باقىتبەك ەسەنتايەۆتىڭ قورعاۋشىسى دا ءسويتىپتى. وسىلايشا جازانى جۇمسارتپاق ەكەن. «ءبىز سوتتىڭ «ادام ومىرىنە ءقاۋىپ ءتوندىردى» دەگەن شەشىمىن وزگەرتپەكپىز. باقىتبەكتىڭ ونداي ويى بولعان جوق» دەيدى جەكسەيىتوۆ.
سەبەبى بار…
ايتۋىنشا، باحا قىلمىس جاساۋىن، جاسادى. ءبىراق، ونىڭ سيپاتىن وزگەرتۋ كەرەك. قىلمىستىق كودەكستىڭ 1 تارماعى 106 بابىنداعى «دەنساۋلىققا اۋىر زارداپ كەلتىرۋ» دەپ وزگەرتكەن ءجون.
«باقىتبەك مۇنداي قادامعا بوستان-بوسقا بارعان جوق. بۇل ارادا باياننىڭ ءجۇرىسىن ەسكەرۋ كەرەك. ول تۇرمىستا بولا تۇرا باسقا ەركەكپەن كەزدەسىپ جۇرگەنىن مويىنداعان. ال مۇنداي كەزدەسۋلەردىڭ ءمانى مەن ماقساتى جانە قالاي اياقتالاتىنى بەلگىلى. دەمەك، ول كۇيەۋىنىڭ كوزىنە ءشوپ سالعان. ونى سوتتا ءوزى دە مويىندادى. ءبىراق، سوت مۇنى نازارعا العان جوق.
سوندىقتان باقىتبەكتىڭ جازاسىن جۇمسارتىپ، شارتتى تۇردە باس بوستاندىعىنان ايىرۋ قاجەت. ەندىگى شەشىمدى جوعارعى سوت قابىلدايدى»، – دەدى ەسەنتايەۆتىڭ قورعاۋشىسى.
جەكسەيىتوۆتىڭ ايتپاعى بۇل عانا ەمەس.
ول باقىتبەكتىڭ تەرگەۋ بارىسىندا ءبىر دە ءبىر رەت وتىرىك ايتپاعانىن تىلگە تيەك ەتىپتى. تەرگەۋ جۇمىستارى مەن كەيىنگى سوت پروسەسى بارىسىندا ەسەنتايەۆ «ايەلىمدى وزگە ەركەكپەن ويناس قۇرعانى ءۇشىن ۇرىپ-سوقتىم» دەۋدەن تايماعان.
جەكسەيىتوۆ ءوز قورعاۋىنداعى ەسەنتايەۆتىڭ ناقتى نە دەگەنىنە دەيىن ايتىپ بەرىپتى.
«العاشقى سوت ينستانسياسىندا مەنىڭ قورعاۋىمداعى ەسەنتايەۆ بىردەن اعىنان جارىلدى. «ايەلىم زينا جاسادى، كوزىمە ءشوپ سالادى. وسى سەبەپتى دە ۇرىپ-سوقتىم ونى. الايدا ونىمەن ويناس قۇرعان ادامنىڭ اتىن اتاعىم كەلمەيدى. سەبەبى، ونىڭ دا وتباسى بار. ايەلىمنىڭ جەڭىل ءجۇرىسى ءۇشىن ونىڭ وتباسى بۇلىنگەنىن قالامايمىن…».
ءيا، باحا وسىلاي دەپتى.
بايان
بايان بىلتىرعى جىلدىڭ 10 ماۋسىمىندا تاياق جەگەن. كۇدىكتى رەتىندە بايى باقىتبەك ەسەنتايەۆ قاماۋعا الىنعان. سودان بەرى كوپ دۇنيە وزگەردى.
بايان بەلگىلى بيزنەسمەن تۇرسىنعالي الاگوزوۆپەن «ماحاببات» بوپ جۇرگەندەرىن كۇنى كەشەگە دەيىن جاسىرىپ كەلدى. ول تۇرسىنعاليعا تۇرمىسقا شىقپاق.
ال ونىڭ بۇرىنعى كۇيەۋى تۇرمەدە. باحانىڭ تۇرمەدە جاتقانى بايانعا مازا بەرمەي ءجۇر، قۇداي بىلەدى. الەۋمەتتىك جەلىدەگى قاۋىم سىنشىل عوي.
«بايان، تىنىش ۇيىقتاي الماي ءجۇر. باحا تۇرمەدەن شىقسا، ءبىراز بىلىقتىڭ بەتى اشىلادى»، دەيدى جۇرت.
