يزرايل اقش بيلٸگٸنە يران تاراپىنان پرەزيدەنت دونالد ترامپقا قاستاندىق جاسالۋى مٷمكٸن ەكەنٸنە قاتىستى جاڭا بارلاۋ مەلٸمەتتەرٸن جولداعان, دەپ حابارلايدى dalanews.kz.
بۇل تۋرالى The Wall Street Journal باسىلىمى دەرەككٶزدەرٸنە سٸلتەمە جاساپ حابارلادى.
باسىلىمنىڭ مەلٸمەتٸنشە, يزرايل ۇسىنعان اقپاراتتا يراننىڭ دونالد ترامپتى ٶلتٸرۋگە باعىتتالعان جاڭا جوسپارى بولۋى مٷمكٸن ەكەنٸ ايتىلعان. الايدا ماقالادا يزرايلدٸڭ اقش-تاعى ديپلوماتييالىق ميسسيياسى بۇل اقپاراتقا قاتىستى تٷسٸنٸكتەمە بەرمەگەنٸ كٶرسەتٸلگەن. سونداي-اق يراننىڭ بۇۇ جانىنداعى تۇراقتى ٶكٸلدٸگٸ دە The Wall Street Journal ساۋالىنا جاۋاپ بەرمەگەن.
دونالد ترامپ بەيسەنبٸ كٷنٸ قىزمەت بارىسىندا قازا تابۋ ىقتيمالدىعىن 5,2 پايىز دەپ باعالاپ, ٶزٸن يران ٷشٸن «№1 نىسانا» دەپ اتادى. سونىمەن قاتار, ترامپتىڭ Axios پورتالىنا ايتۋىنشا, يزرايل پرەمەر-مينيسترٸ بينيامين نەتانياحۋ اق ٷيدە كەزدەسۋگە ٶتٸنٸش بٸلدٸرگەن.
اقش پەن يران اراسىنداعى شيەلەنٸس
ەسكە سالايىق, وسى اپتادا اقش ەسكەرٸ يران اۋماعىنا بٸرقاتار ەۋە سوققىلارىن جاسادى. اقش قارۋلى كٷشتەرٸنٸڭ ورتالىق قولباسشىلىعى بۇل وپەراتسييالار ورمۋز بۇعازى ارقىلى ٶتكەن كوممەرتسييالىق كەمەلەرگە قارسى يراننىڭ ەرەكەتتەرٸنە جاۋاپ رەتٸندە جٷرگٸزٸلگەنٸن مەلٸمدەگەن.
ٶز كەزەگٸندە يران ەسكەرٸ باحرەين مەن كۋۆەيتتەگٸ اقش ەسكەري بازالارىنا جاۋاپ سوققىلارىن جاساعانىن حابارلادى. سونىمەن قاتار تەگەران ۆاشينگتوندى ەسكەري ٸس-قيمىلدى توقتاتۋ تۋرالى مەموراندۋمدى بۇزدى دەپ ايىپتادى.
