Izrail AQSh biligine Iran tarapynan prezident Donald Trampqa qastandyq jasalýy múmkin ekenine qatysty jańa barlaý málimetterin joldaǵan, dep habarlaidy dalanews.kz.
Bul týraly The Wall Street Journal basylymy derekkózderine silteme jasap habarlady.
Basylymnyń málimetinshe, Izrail usynǵan aqparatta Irannyń Donald Trampty óltirýge baǵyttalǵan jańa jospary bolýy múmkin ekeni aitylǵan. Alaida maqalada Izraildiń AQSh-taǵy diplomatiialyq missiiasy bul aqparatqa qatysty túsinikteme bermegeni kórsetilgen. Sondai-aq Irannyń BUU janyndaǵy turaqty ókildigi de The Wall Street Journal saýalyna jaýap bermegen.
Donald Tramp beisenbi kúni qyzmet barysynda qaza tabý yqtimaldyǵyn 5,2 paiyz dep baǵalap, ózin Iran úshin «№1 nysana» dep atady. Sonymen qatar, Tramptyń Axios portalyna aitýynsha, Izrail premer-ministri Biniamin Netaniahý Aq úide kezdesýge ótinish bildirgen.
AQSh pen Iran arasyndaǵy shielenis
Eske salaiyq, osy aptada AQSh áskeri Iran aýmaǵyna birqatar áýe soqqylaryn jasady. AQSh Qarýly kúshteriniń Ortalyq qolbasshylyǵy bul operatsiialar Ormýz buǵazy arqyly ótken kommertsiialyq kemelerge qarsy Irannyń áreketterine jaýap retinde júrgizilgenin málimdegen.
Óz kezeginde Iran áskeri Bahrein men Kýveittegi AQSh áskeri bazalaryna jaýap soqqylaryn jasaǵanyn habarlady. Sonymen qatar Tegeran Vashingtondy áskeri is-qimyldy toqtatý týraly memorandýmdy buzdy dep aiyptady.
