بانكتەرگە كليەنتتەردٸ ونلاين تەكسەرۋ كەزٸندە بيومەترييانى قولدانۋ مٸندەتتەلدٸ. جاڭا ەرەجەلەر باقىلاۋدى كٷشەيتٸپ, كٷدٸكتٸ اقشا اۋدارىمدارىن بۇعاتتاۋعا مٷمكٸندٸك بەرەدٸ, دەپ حابارلايدى Dalanews.kz.
قازاقستاندا قاشىقتىقتان ادام باسىن تەكسەرۋ ەرەجەلەرٸ كٷشەيتٸلدٸ. ەندٸ بانكتەر كليەنتتٸ تەك كود نەمەسە قولتاڭبا بويىنشا عانا ەمەس, سونىمەن قاتار بەت نەمەسە ساۋساق ٸزدەرٸ سيياقتى بيومەترييالىق مەلٸمەتتەر بويىنشا دا تەكسەرۋگە مٸندەتتٸ. بۇرىن بانكتەردٸڭ قالاۋى بويىنشا جاسالاتىن بۇل امال ەندٸ قاتاڭ تالاپقا اينالىپ وتىر. بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸنٸڭ جاڭا قاۋلىسىندا قامتىلعان.
ەندٸ شوتتى ونلاين اشۋ نەمەسە كارتانى قايتا باسىپ شىعارۋ ٷشٸن بٸر SMS-كود جەتكٸلٸكسٸز بولماق. جاڭا ەرەجەلەرگە سەيكەس:
- بانكتەر كليەنتتٸڭ فوتوسۋرەتتەرٸ مەن ۆيدەوسىن ارادا بايلانىس ٷزٸلسە دە كەم دەگەندە بەس جىل ساقتاۋى كەرەك. مۇنىڭ الاياقتىقپەن كٷرەستە سەپتٸگٸ بار.
- قارجى ۇيىمدارى 21 جاسقا تولماعان كازينو مەن بۋكمەكەرلٸك كەڭسەلەرگە اقشا اۋدارىمىن جاسا, ونى بۇعاتتاۋى مٸندەتتٸ. بۇل شەكتەۋ جاستاردى قۇمار ويىنداردان جەنە قارجىلىق شىعىنداردان قورعاۋ ٷشٸن ەنگٸزٸلدٸ.
جاڭا شارالار قازاقستاندا جۇمىس ٸستەيتٸن بارلىق بانكتەرگە قاتىستى.
سونداي-اق ەلٸمٸزدە تٸگٸلگەن ستاۆكالاردى ەسەپكە قويۋشى بٸرىڭعاي جٷيە ەنگٸزٸلمەك. ول بويىنشا قازاقستاندا بەس تٸگۋشٸلەردٸڭ بارلىعىن ونلاين باقىلاۋعا قول جەتكٸزٸلەدٸ. بۇل, ٶز كەزەگٸندە, قۇمار ويىنعا جٸبەرٸلمەۋٸ تيٸس تۇلعالاردى انىقتاۋعا كٶمەك بولادى: سوت شەشٸمٸمەن قۇمار ويىندارعا جٸبەرٸلمەيتٸندەر, موينىندا كٶپ قارىزى بار ادامدار, مەملەكەتتٸك قىزمەتكەرلەر, ەسكەري قىزمەتكەرلەر, قۇقىق قورعاۋ ورگاندارىنىڭ جەنە ارنايى ورگان ٶكٸلدەرٸ جەنە 21 جاسقا تولماعاندار.
