الماتىداعى قازاقستان باسپاسٶز كلۋبىندا قاڭعىباس جانۋارلاردى ەۆتانازييالاۋدى قاراستىراتىن زاڭ جوباسىنا قارسى زووقورعاۋشىلاردىڭ باسپاسٶز مەسليحاتى ٶتتٸ. جيىنعا قوعام بەلسەندٸسٸ ارۋجان ساين باستاعان جانۋارلاردى قورعاۋشىلار قاتىستى, دەپ حابارلايدى Dalanews.kz.
قوعامدا اتالعان زاڭ جوباسىنا قاتىستى پٸكٸرتالاس كٷشەيٸپ تۇر. وسى تۇستا سپيكەرلەرگە "قايسىسى ماڭىزدى: قاڭعىباس يتتەردٸڭ ٶمٸرٸ مە, ەلدە بالالاردىڭ ٶمٸرٸ مە?" دەگەن ساۋال قويىلدى. جۋرناليست مىسال رەتٸندە 2022 جىلى اقتٶبە وبلىسىندا يتتەرگە تالانىپ, قازا تاپقان بالانىڭ وقيعاسىن العا تارتتى.
الايدا ارۋجان ساين بۇل مەسەلەگە جاۋاپ بەرە وتىرىپ, بالالاردىڭ قاڭعىباس يتتەردەن زارداپ شەگۋٸن باسقا دا قايعىلى جاعدايلارمەن سالىستىردى.
"ٶكٸنٸشكە قاراي, ەلەمدە بالالار تٷرلٸ جاعدايدا زارداپ شەگٸپ جاتادى. ولار سوعىس كەزٸندە دە, قىلمىسكەرلەردٸڭ قولىنان دا, تٷرلٸ جازاتايىم وقيعالاردان دا جاپا شەگەدٸ. ەرينە, بەرٸمٸز بالالاردى تولىق قورعاعىمىز كەلەدٸ, بٸراق ولاردى بارلىق قاۋٸپتەن تولىق ساقتاۋ ەردايىم مٷمكٸن بولا بەرمەيدٸ", – دەدٸ ول.
سونىمەن قاتار ارۋجان ساين بالالاردىڭ قاۋٸپسٸزدٸگٸنە ەڭ الدىمەن ەرەسەكتەر جاۋاپتى ەكەنٸن ايتتى. ونىڭ سٶزٸنشە, اتا-انالار بالالارىن قاۋٸپتٸ بولۋى مٷمكٸن جەرلەردە قاراۋسىز قالدىرماۋى كەرەك.
"ەسٸرەسە كٸشكەنتاي بالالاردى قاراۋسىز قالدىرۋعا بولمايدى. بالاعا قاۋٸپ تٶنۋٸ مٷمكٸن جەردە جالعىز جٷرۋگە جول بەرمەۋ قاجەت. بۇل تەك جانۋارلارعا قاتىستى مەسەلە ەمەس, بۇل – ەرەسەكتەردٸڭ دە جاۋاپكەرشٸلٸگٸ", - دەدٸ قوعام بەلسەندٸسٸ.
سوعان قاراماستان زووقورعاۋشىلار قاڭعىباس جانۋارلار سانىن ازايتۋ ٷشٸن ەۆتانازييا قولدانۋعا قارسى ەكەنٸن جەتكٸزدٸ. ولاردىڭ پٸكٸرٸنشە, باستى شەشٸم – جانۋارلاردى ستەريليزاتسييالاۋ. الايدا بۇل تەسٸل جانۋارلاردى كٶشەدەن الىپ كەتپەي, تەك كٶبەيۋٸن شەكتەۋگە باعىتتالعان.
