1 ماۋسىم – حالىقارالىق بالالاردى قورعاۋ كٷنٸنە وراي وقۋشىلارعا «اقوردا» رەزيدەنتسيياسىندا ەكسكۋرسييا ۇيىمداستىرىلدى
ەكسكۋرسيياعا ەلٸمٸزدٸڭ بارلىق ٶڭٸرٸنەن 81 بالا, سونىڭ ٸشٸندە سۋ باسقان ايماقتاردان كەلگەن وقۋشىلار قاتىستى. اقوردانىڭ كٸشكەنتاي قوناقتارىنىڭ قاتارىندا حالىقارالىق جەنە رەسپۋبليكالىق وليمپيادالاردىڭ جەڭٸمپازدارى, وقۋ ٷزدٸكتەرٸ بار.
اتالعان شارا اياسىندا بالالار «اقوردا» رەزيدەنتسيياسىنىڭ ورتالىق سالتاناتتى حولى مەن رەسمي قابىلداۋلار جەنە تٷرلٸ جيىندار ٶتكٸزۋگە ارنالعان زالدارىن تاماشالادى. رەزيدەنتسييا اۋماعىنداعى باقتى ارالاپ كٶردٸ. سونداي-اق بالالار قازاقستان پرەزيدەنتٸنٸڭ جۇمىس تەرتٸبٸمەن تانىستى, ەلٸمٸزدٸڭ باس عيماراتى تۋرالى قىزىقتى دەرەكتەردەن حاباردار بولدى.
جاسٶسپٸرٸمدەرگە مەملەكەت باسشىسىنىڭ اتىنان ەستەلٸك سىيلىقتار تابىستالدى.
سونىمەن قاتار ەكٸ كٷندٸك ساياحات كەزٸندە وقۋشىلار پرەزيدەنتتٸك ورتالىق, ۇلتتىق مۋزەي, «نۇر-ەلەم» پاۆيلونى سيياقتى استانانىڭ كٶرٸكتٸ جەرلەرٸن ارالايدى.
