قازاقستاندا قوعامدىق ورىندا بالاعات سٶز قولدانعان ازاماتتار كۋەگەرلەر بولماسا دا جاۋاپكەرشٸلٸككە تارتىلۋى مٷمكٸن. بۇل تۋرالى ٸشكٸ ٸستەر مينيسترلٸگٸ مەلٸمدەدٸ, دەپ حابارلايدى dalanews.kz.
ۆەدومستۆونىڭ تٷسٸندٸرۋٸنشە, قوعامدىق جەردە بەيەدەپ, بىلاپىت سٶزدەر ايتۋ ەكٸمشٸلٸك قۇقىق بۇزۋشىلىق تۋرالى كودەكستٸڭ 434-بابىنا سەيكەس ۇساق بۇزاقىلىق رەتٸندە قاراستىرىلادى.
مۇنداي قۇقىق بۇزۋشىلىق ٷشٸن شامامەن 86 مىڭ تەڭگە كٶلەمٸندە ايىپپۇل سالۋ نەمەسە 15 تەۋلٸككە دەيٸن ەكٸمشٸلٸك قاماۋعا الۋ جازاسى كٶزدەلگەن. ەگەر ازامات بۇل ەرەكەتتٸ بٸر جىل ٸشٸندە قايتالاپ جاساسا, قاماۋ مەرزٸمٸ 20 تەۋلٸككە دەيٸن ۇزارۋى مٷمكٸن.
ٸٸم ٶكٸلدەرٸنٸڭ ايتۋىنشا, باستى نازار قۇقىق بۇزۋشىلىقتىڭ قوعامدىق سيپاتتا جاسالۋىنا اۋدارىلادى.
«قوعامدىق ورىنداردا ايتىلعان بالاعات سٶزدەر جانىندا ادامدار بولماسا دا قۇقىق بۇزۋشىلىق رەتٸندە تٸركەلۋٸ مٷمكٸن. ەگەر بۇل دەرەك بەينەكامەرالارداعى جازبالارمەن نەمەسە باسقا دا دەلەلدەرمەن راستالسا, ازامات جاۋاپكەرشٸلٸككە تارتىلادى», – دەپ تٷسٸندٸردٸ مينيسترلٸك.
قۇقىق قورعاۋ ورگاندارى مۇنداي فاكتٸلەردٸ پاترۋلدەۋ كەزٸندە, ينتەرنەت كەڭٸستٸگٸن باقىلاۋ بارىسىندا جەنە ازاماتتاردىڭ «102» قىزمەتٸنە نەمەسە ەلەكتروندى جٷيەلەر ارقىلى جولداعان ٶتٸنٸشتەرٸ نەگٸزٸندە انىقتايدى.
