قازاقستاندىق تانىمال پروديۋسەر بايان ماقساتقىزى ەلەمدٸك رەپ جۇلدىزى كانە ۋەستتٸڭ الماتىداعى كونتسەرتٸنە بايلانىستى ٶز پٸكٸرٸن اشىق ايتتى, دەپ حابارلايدى dalanews.kz.
پروديۋسەر ەلەۋمەتتٸك جەلٸدەگٸ جازباسىندا قازاقستاندىق ٶنەر يەلەرٸنە قويىلاتىن تالاپتار مەن شەتەلدٸك ەرتٸستەرگە جاسالاتىن جەڭٸلدٸكتەرگە نارازىلىعىن بٸلدٸردٸ. ونىڭ ايتۋىنشا, كەزٸندە «كەشYOU» توبىنىڭ ستاديونداعى كونتسەرتٸ كەزٸندە ۇيىمداستىرۋشىلار بٸرنەشە مەرتە وتشاشۋ قولدانۋعا رۇقسات سۇراعان. الايدا بۇل ۇسىنىسقا قاتاڭ تٷردە تىيىم سالىنعان.
«بٸز ٶز كونتسەرتٸمٸزدە وتشاشۋ جاساۋعا رۇقسات سۇرادىق, بٸراق ٷزٸلدٸ-كەسٸلدٸ قارسى بولدى. قىزىق ەرٸ ٶكٸنٸشتٸ جاعداي. ٶزٸمٸزگە كەلگەندە “بولمايدى”, ال كانەگە بولادى ەكەن. سوندا زاڭ الدىندا بەرٸ تەڭ, بٸراق كەيبٸرەۋلەر ەرەكشە جاعداي جاسالا ما?» – دەپ جازدى بايان ماقساتقىزى.
پروديۋسەر سونداي-اق ٶز كومانداسىنىڭ ەلەمدٸك دەڭگەيدەگٸ شوۋ ۇيىمداستىرعانىن ايتىپ, كانە ۋەستتٸڭ ٶنەر كٶرسەتۋ فورماتىنا قاتىستى دا پٸكٸرٸن جاسىرمادى.
«بٸز شىنىمەن دە ەلەمدٸك دەڭگەيدەگٸ شوۋ جاسادىق. ال كانە سفەرانىڭ ٷستٸندە جٷردٸ, ەرەكشە كٷش سالدى دەپ ايتا المايمىن», – دەدٸ ول.
كەيٸن بايان ماقساتقىزى بۇل تاقىرىپتا پٸكٸرتالاستان شارشاعانىن ايتىپ, يرونييامەن جازباسىن جالعاستىردى.
«كانە كەرەمەت, ول جٷرمەدٸ, ۇشتى. بٸزگە وتشاشۋدىڭ دا قاجەتٸ جوق. ەلەۋمەتتٸك جەلٸدەگٸ پٸكٸرلەرگە قاراساق, كٶپشٸلٸك بٸزدٸ “ەكٸنشٸ سورت” دەپ مويىنداعان سيياقتى. جارايسىڭدار!» – دەپ جازدى پروديۋسەر.
قازٸر فرانتسييادا دەمالىپ جٷرگەن بايان ماقساتقىزى جاقىن ارادا ٶزٸنٸڭ ەرتٸستەرٸمەن ەكٸنشٸ ٸرٸ كونتسەرتتٸ ۇيىمداستىرۋعا كٸرٸسەتٸنٸن مەلٸمدەدٸ. ونىڭ ايتۋىنشا, بۇل كونتسەرت استانادا ٶتەدٸ جەنە بيلەت باعاسى كانە ۋەستتٸڭ شوۋىنان ەلدەقايدا ارزان بولادى.
«مەنٸڭ “ەكٸنشٸ سورتتى” ەرتٸستەرٸمنٸڭ كەلەسٸ كونتسەرتٸن دايىنداۋعا كٸرٸسەمٸن. ەرينە, وتشاشۋسىز. استانادا كٷتەمٸز. بٸز ٶزٸمٸزدٸڭ ادامدار بولعاندىقتان, بيلەت تە ەلدەقايدا ارزان بولادى. ال كەسٸبيلٸگٸمٸزگە كٷمەن كەلتٸرەتٸندەردەن كەلمەۋلەرٸن سۇرايمىن», – دەپ تٷيٸندەدٸ ول.
