باعدات مۋسين "قازاقتەلەكومنىڭ" باسشىسى بولادى - دەرەككوز

ساعىنىش سارداروۆا 10 ماۋ. 2024 11:08 2558

دەرەككوزدەر مەن ب ا ق ەكس-مينيستر باعدات مۋسين "قازاقتەلەكوم" اق باسقارما ءتوراعاسى بولىپ تاعايىندالاتىنىن جازىپ جاتىر، - دەپ حابارلايدى Dalanews.kz.

ءمۋسيننىڭ "قازاقتەلەكوم" اق باسشىسى بولاتىنى تۋرالى اقپاراتتى قازتاگ رەداكسياسىنا دەرەككوز راستاعان.

بۇل تۋرالى Telegram-ارنالار دا جازدى.

"كەيبىر دەرەككوزدەر باعدات ءمۋسيننىڭ كۇتپەگەن جەردەن "قازاقتەلەكوم" اق باسشىسى بولىپ تاعايىندالاتىنىن جازىپ جاتىر. اداسقان ۇل ورالدى.

بۇرىنعى باسشىسى پرەزيدەنتتىڭ كەڭەسشىسى بولىپ تاعايىندالدى"، - دەپ جازىلعان ارنالاردىڭ ءبىرىنىڭ اقپاراتىندا.

DALA INSIDE بۇعان دەيىن دە باعدات مۋسين "قازاقتەلەكومعا" كەتەتىنىن جازعان ەدى.

"سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين جاڭا جىلدان كەيىن "قازاقتەلەكوم" ۇلتتىق كومپانياسىن باسقاراتىن بولادى دەيدى"، - DALA INSIDE دەرەككوزى.

مۋسين بىرنەشە جىل ەلىمىزدەگى سيفرلاندىرۋ ىسىنە جاۋاپ بەردى.

"مۋسين ءۇشىن ۇلتتىق كومپانيانى، اسىرەسە، "سامۇرىق-قازىنا" قورىنا قاراستى ۇيىمدى باسقارۋ تاڭسىق ەمەس. ول 2014-2017 جىلدارى "قازپوشتا" اق باسقارما ءتوراعاسى بولىپ قىزمەت ەتكەن. سول جىلدارى ول ءتىپتى ءوز ايلىعىن قىسقارتامىن دەپ جاستىق ماكسيماليزمگە بارعان ەدى. DALA INSIDE دەرەككوزى "ءمۋسيننىڭ ءوزى قازاقتەلەكومعا بارۋعا قارسى ەمەس" دەيدى"، - دەپ جازعان ەدى بۇعان دەيىن ارنا. 


ۇسىنىلعان
سوڭعى جاڭالىقتار