قازاقستان تاۋارلارىن دا ساتاتىن Grandiose ساۋدا جەلٸسٸ بٷكٸل ەلەمدەگٸ تاماق جەنە ديەتالىق ٶنٸمدەردٸ ۇسىناتىن پرەميۋم-سەگمەنتتە جۇمىس ٸستەيدٸ, دەپ جازادى Dalanews.kz.
قر ساۋدا جەنە ينتەگراتسييا مينيسترٸ ارمان شاققاليەۆ باستاعان قازاقستاندىق دەلەگاتسييا باە-نٸڭ جەتەكشٸ ساۋدا جەلٸلەرٸ – LuLu Group International جەنە Grandiose باسشىلىعىمەن تابىستى كەلٸسسٶزدەر جٷرگٸزدٸ. مينيسترلٸك باسپاسٶز قىزمەتٸنٸڭ حابارلاۋىنشا, كەزدەسۋ بارىسىندا تاراپتار قازاقستاندىق ٶنٸمدەردٸ جەتكٸزۋدٸ كەڭەيتۋ, ولاردى باە نارىعىنا شىعارۋ جەنە قازاقستاندى ازىق-تٷلٸك حابى رەتٸندە ٸلگەرٸلەتۋ مەسەلەلەرٸن تالقىلادى.
مينيستر ارمان شاققاليەۆ قازاقستاننىڭ باە-گە ەت, بال, ۋىلدىرىق جەنە شوكولاد سيياقتى جوعارى ساپالى ٶنٸمدەردٸڭ كەڭ اسسورتيمەنتٸن ۇسىنۋعا دايىن ەكەنٸن اتاپ ٶتتٸ.
كەزدەسۋدٸڭ نەگٸزگٸ تاقىرىپتارىنىڭ بٸرٸ 2025 جىلى قازاقستاندىق ٶنٸمدەردٸڭ باە نارىعىنداعى تانىمالدىلىعىن ارتتىرۋعا باعىتتالعان بٸرلەسكەن ماركەتينگتٸك كامپانييانى ٶتكٸزۋ بولدى. سونداي-اق تاراپتار جەكە ساۋدا ماركالارى (جسم) اياسىنداعى ىنتىماقتاستىق پەرسپەكتيۆالارىن تالقىلادى. بۇل قازاقستاندىق ەكولوگييالىق تازا جەنە ساپالى ٶنٸمدەردٸ تۇتىنۋشىلارعا ۇسىنۋعا مٷمكٸندٸك بەرەدٸ.
LuLu ساۋدا جەلٸسٸندە قازاقستاندىق ٶنٸمدەر مەن تاعامداردىڭ دەگۋستاتسييالىق الاڭى ۇيىمداستىرىلدى. مەزٸرگە قازاقستاندىق قوي ەتٸنەن دايىندالعان دەستٷرلٸ تاعامدار – پالاۋ مەن سٸرنە ۇسىنىلدى. قازٸر قازاقستاندىق ەت اتالعان سۋپەرماركەت جەلٸلەرٸندە ساتىلىمدا بار.
ودان ەرٸ قازاقستاندىق دەلەگاتسييا كەيٸن Grandiose جەلٸسٸنە باردى. جەلٸنٸڭ سٶرەلەرٸندە قازاقستاننان ەكەلٸنگەن ٶنٸمدەر – كەمپيتتەر, كونديتەرلٸك ٶنٸمدەر, كٷرٸش, بال, ۋىلدىرىق, تۇز جەنە سۋ ۇسىنىلدى. ساۋدا جەلٸسٸنٸڭ ساناتتىق مەنەدجەرلەرٸمەن كەزدەسۋلەر ٶتكٸزٸلٸپ, قازاقستاندىق ٶنٸمدەردٸ جٷزەگە اسىرۋ جەنە ولاردىڭ اسسورتيمەنتٸن كەڭەيتۋ مەسەلەلەرٸ تالقىلاندى.
كەزدەسۋ بارىسىندا Grandiose ساۋدا جەلٸسٸمەن مەموراندۋمعا قول قويىلدى. قۇجاتقا سەيكەس, تاراپتار قازاقستاندىق ٶنٸمدەردٸ جەلٸ سٶرەلەرٸنە شىعارۋ بويىنشا جۇمىستى جانداندىرۋعا كەلٸستٸ.
"بٷگٸن بٸز باە-دەگٸ ساۋدا جەلٸلەرٸندە قازاقستاندىق ٶنٸمدەردٸ تانىستىرىپ, كونديتەرلٸك ٶنٸمدەر, بال, تٷيە سٷتٸنەن جاسالعان قۇرعاق ۇنتاق سيياقتى نەگٸزگٸ ەكسپورتتىق ٶنٸمدەر بويىنشا road show ٶتكٸزدٸك. بۇل – پارسى شىعاناعىنداعى بارلىق ەلدەردە ٶكٸلدٸكتەرٸ بار LuLu جەلٸسٸ ٷشٸن جارنامالىق اكتسييانىڭ بٸر تٷرٸ. بٸز بۇل جۇمىس جاقسى نەتيجە بەرەتٸنٸنە جەنە جاقىن ارادا قازاقستاندىق ٶنٸمدەر تەك باە-دە عانا ەمەس, سونىمەن قاتار پارسى شىعاناعى ەلدەرٸندە دە لايىقتى ورىن الاتىنىنا سەنٸمدٸمٸز", – دەپ اتاپ ٶتتٸ ارمان شاققاليەۆ.
ايتا كەتسەك, LuLu Group International – تاياۋ شىعىس, ازييا, افريكا جەنە ەۋروپادا 200-دەن استام دٷكەنٸ بار جەتەكشٸ حالىقارالىق سۋپەرماركەتتەر مەن گيپەرماركەتتەر جەلٸسٸ. كومپانييا ازىق-تٷلٸك, تۇرمىستىق تەحنيكا جەنە تۇرمىسقا قاجەتتٸ تاۋارلاردىڭ كەڭ اسسورتيمەنتٸن ۇسىنا وتىرىپ, ساپالى ٶنٸمدەردٸ ديستريبۋتسييالاۋ سالاسىندا كٶش باستاپ كەلەدٸ.
Grandiose – باە-دە جۇمىس ٸستەيتٸن پرەميۋم سەگمەنتتەگٸ 50 سۋپەرماركەتتەن تۇراتىن جەلٸ. جەلٸ جەرگٸلٸكتٸ برەندتەردٸڭ تاۋارلارىن, سونداي-اق ەلەمنٸڭ تٷكپٸر-تٷكپٸرٸنەن گاسترونومييالىق جەنە ديەتالىق ٶنٸمدەردٸ ۇسىنادى.
2024 جىلى 4 قاراشادا قازاقستاننىڭ قىتايعا ٸرٸ-قارا تەرٸسٸن ەكسپورتتايتىنى بەلگٸلٸ بولدى.
