ازاماتتىق قورعاۋ جٷيەسٸندە كەزدەيسوق ادامدار بولمايدى — مۇندا ادام ٶمٸرٸن قۇتقارۋ مەن قاۋٸپسٸزدٸكتٸ قامتاماسىز ەتۋدٸ ابىرويلى ٸس دەپ بٸلەتٸن جاندار قىزمەت ەتەدٸ. سونىڭ جارقىن مىسالى — ماڭعىستاۋ وبلىسى تٶتەنشە جاعدايلار دەپارتامەنتٸنٸڭ قىزمەتكەرلەرٸ, اعايىندى ەگٸزدەر ەلدوس پەن ەلجاس حالەلوۆتار. بۇل ماماندىقتى ولار بٸرلەسە تاڭداپ, جٷرەك قالاۋىمەن كەلگەن.
1998 جىلعى 26 سەۋٸردە بەينەۋ اۋدانىندا دٷنيەگە كەلگەن ەلدوس پەن ەلجاس 2020 جىلى ازاماتتىق قورعاۋ اكادەميياسىن «ٶرت قاۋٸپسٸزدٸگٸ» ماماندىعى بويىنشا تەمامدادى. سول كەزدەن باستاپ ەكەۋٸ دە تٶتەنشە جاعدايلار جٷيەسٸندە ەرتٷرلٸ باعىتتاردا قىزمەت ەتۋدە.
ەلدوس حالەلوۆ — اقتاۋ قالاسى تٶتەنشە جاعدايلار باسقارماسىنىڭ باس مامانى. ونىڭ كٷندەلٸكتٸ جۇمىسى — تٶتەنشە جاعدايلاردىڭ الدىن الۋ جەنە ولاردى جويۋ شارالارىن ٷيلەستٸرۋ, وقۋ-جاتتىعۋلارعا قاتىسۋ جەنە حالىقتىڭ قاۋٸپسٸزدٸگٸن باقىلاۋ. ول ەڭ كٷردەلٸ سەتتەردە جٷيەنٸڭ بٸرقالىپتى جۇمىس ٸستەۋٸنە جاۋاپ بەرەدٸ.
ال ەلجاس حالەلوۆ تسيفرلاندىرۋ, اقپاراتتاندىرۋ جەنە بايلانىس بٶلٸمٸندە ەڭبەك ەتەدٸ. ول — اقپاراتتىق جٷيەلەر, بايلانىس قۇرالدارى مەن تسيفرلىق پلاتفورمالاردىڭ ٷزدٸكسٸز جۇمىسىن قامتاماسىز ەتەتٸن مامان. ونىڭ قىزمەتٸنسٸز شۇعىل ەرەكەت ەتۋ دە, ناقتى تالداۋ جاساۋ دا مٷمكٸن ەمەس, ال بۇل تٶتەنشە جاعدايلاردا شەشٸم قابىلداۋدىڭ نەگٸزٸ.
مٸندەتتەرٸ ەرتٷرلٸ بولعانىمەن, ولاردىڭ جۇمىسى — بٸرتۇتاس جٷيەنٸڭ قوس قاناتى ٸسپەتتەس. بٸرٸ العى شەپتە ەرەكەت ەتسە, ەكٸنشٸسٸ سەنٸمدٸ تىلمەن قامتاماسىز ەتەدٸ. بۇل — دەستٷرلٸ قىزمەت پەن زاماناۋي تەحنولوگييانىڭ تيٸمدٸ ٷيلەسٸم تابۋىنىڭ كٶرٸنٸسٸ.
«مەنٸڭ جۇمىسىم تۇراقتى بايلانىس پەن ناقتى اقپاراتقا نەگٸزدەلەدٸ. تەحنيكالىق جاعىنان باۋىرىمنىڭ قولداۋى ەردايىم سەزٸلەدٸ», — دەيدٸ ەلدوس.
«ەلدوستا — ٶرت بولسا, مەندە — جٷيەدە «وت» تۇتانادى», — دەپ ەلجاس باۋىرىنىڭ سٶزٸن جالعاسادى.
حالەلوۆتار باۋىرلاردىڭ وقيعاسى — جاس ماماندار ٷشٸن شابىت كٶزٸ. بۇل تەك ماماندىق جايلى ەمەس, ادالدىق, كوماندالىق جۇمىس پەن وتباسىلىق قولداۋدىڭ ارقاسىندا تج قىزمەتٸنٸڭ قانشالىقتى سەنٸمدٸ بولا الاتىنىن دەلەلدەيتٸن شىنايى وقيعا.
