"استانا اكىمدىگىنەن جاقسى جاڭالىق: تالدىكولدىڭ ماسەلەسىن وسى جىلدىڭ قىركۇيەك ايىنا دەيىن تۇپتامىرىمەن جويۋعا ۋادە بەرىلدى. بۇل استانانى تۇرعىندارعا ىڭعايلى ەتۋدە ايتارلىقتاي قادام بولماق. ءبارى ويداعىداي بولادى دەپ ۇمىتتەنەمىن"، – دەپ جازدى ول.
– بۇل تۋرالى نە ءۇشىن جازبا قالدىرۋدى شەشتىم؟ بىرىنشىدەن، مەن بۇل قالانى شىن سۇيەمىن، ەكىنشىدەن، مەن قاشان دا ادىلەتتىلىكتىڭ جاعىندامىن. ءسوزىم ورىندى بولعاندا، اكىمدىكتىڭ كەمشىلىكتەرىن بۇكپەي ايتتىم. ال بۇگىندە ولار ماقتاۋعا لايىق بولعاندىقتان، ماقتاۋ ايتۋدى ءجون سانادىم، – دەيدى ايسۇلتان.
ول وسى جولى دا تەك سوزدەرمەن شەكتەلمەيتىنىن العا تارتتى.
"ولاردىڭ قاتەلىكتەرىنە ىسپەن جاۋاپ قايتارۋعا ءازىر ەكەنىمدى ايتقان كەزدەگىدەي، وسى جولى دا تەك سوزبەن شەكتەلىپ قالمايمىن. ەگەر ولار سوزىندە تۇرسا، العىس رەتىندە قالاعا ىڭعايلى جەردە اعاشتار اللەياسىن وتىرعىزۋعا ۋادە بەرەمىن. اكىمدىككە تەك ورىندى تاڭداپ، كورسەتسە بولعانى. ارينە مامانداردى تارتامىن، دەگەنمەن ءوزىم دە بەلسەندى قاتىسىپ، قالا تۇرعىندارىن سەنبىلىككە شاقىراتىن بولامىن"، – دەپ سەندىردى ايسۇلتان.
ايسۇلتان بۇل قادامىنان پياردى ىزدەۋدىڭ قاجەتى جوقتىعىن ايتتى.
– بۇل تۇستا پيار ىزدەپ الەك بولماڭىزدار – ونداي نيەتىم جوق. ماعان ەشقانداي ەستەلىك تاقتالاردىڭ كەرەگى جوق. قالا ونىڭ تۇرعىندارىنا تيەسىلى. بۇل ءبىزدىڭ كەرەمەت ءۇيىمىز جانە ونى جاقسارتۋعا اركىم مۇددەلى، – دەپ ويىن ءتۇيدى ول.
ايتا كەتسەك، تالدىكولدەگى جاعىمسىز ءيىس ماسەلەسى بۇگىندە وزەكتى بولىپ وتىر. پرەزيدەنت استانا اكىمىن تالدىكولدىڭ ءيىسى جويىلمايتىن بولسا، سول جەردە كيىزۇيگە تۇرعىزۋعا ۋادە ەتكەن بولاتىن.
