قۇتتىقتاۋىن فەيسبۋكتاعى پاراقشاسىندا جارييالاعان ايسۇلتان, ەڭ الدىمەن قىزدى بولعان كەزدە تٸلەكتەرٸن جاۋدىرعان تٸلەۋلەستەرگە العىس بٸلدٸرٸپ, قىزىنىڭ ەسٸمٸن كٸم دەپ قويعانىن دا ايتتى دەپ حابارلايدى stan.kz.
“دوستار مەن سٸزدەرگە العىس ايتقىم كەلەدٸ. بٸز سٸزدەردەن ەشتەڭە جاسىرمايمىز. سول سەبەپتٸ قىزىمىزدىڭ ەسٸمٸن قالاي قويعانىمىزدى دا ايتقىم كەلەدٸ. بٸزدٸڭ سۇلۋىمىزدىڭ اتى امەلي نازارباەۆا. بٸزدٸڭ كٸشكەنتاي وتباسىمىزعا تٸلەگەن تٸلەكتەرٸڭٸز ٷشٸن راحمەت ايتامىز”
– دەپ جازدى.
وسىلايشا ريزاشىلىعىن جەتكٸزگەننەن كەيٸن, كٷننٸڭ نەگٸزگٸ تاقىرىبى ەلباسىنىڭ تۋعان كٷنٸنە قاتىستى جٷرەكجاردى قۇتتىقتاۋىن جەتكٸزگەن.
“بٷگٸن بٸز ٷشٸن ەرەكشە كٷن – قازاقستان پرەزيدەنتٸ نۇرسۇلتان نازارباەۆتىڭ تۋعان كٷنٸ. ول كٸسٸنٸڭ كەرەمەت ٸستەرٸ مەنٸڭ ەركەز جٷرەگٸمدە. بٸر جاعىنان ەرينە, مەن ول كٸسٸنٸڭ نەمەرەسٸمٸن. تاعى بٸر نەرسە – مەن وسى قازاقستاننىڭ ازاماتىمىن. مەن – قازاقپىن. ەلەمنٸڭ كەز-كەلگەن ەلٸندە ٶزٸمنٸڭ ۇلتىم تۋرالى ماقتانىشپەن ايتا الامىن. مىڭداعان جىلعا سوزىلاتىن تاريحىممەن ماقتانامىن. بٸز كەشەگٸ كٶشپەلٸ حالىقتاردىڭ ۇرپاعىمىز. 550 جىل بۇرىن ٶز الدارىنا بٶلەك ەل بولعان بابالارىمىز بٸزگە بەيبٸت كٷندٸ سىيلادى”, – دەگەن ايسۇلتان نازارباەۆ 25 جىل بۇرىن تەۋەلسٸزدٸك العان قازاق ەلٸنٸڭ ەڭسەسٸن تٸكتەپ, ەتەگٸن جيناپ ەل قىلۋدا, شەكاراسىن تولىقتاي بەكٸتٸپ شىعۋدا پرەزيدەنتتٸڭ ەڭبەگٸ وراسان ەكەنٸن ايتقان.
“سوناۋ كەرەي مەن جەنٸبەكتەن باستاپ بارلىق بابالارىمىز حالىقتىڭ بٸرلٸگٸ مەن ۇيىمشىلدىعىن ساقتاي الدى. ابىلاي حان ايتقان: مەندە ٷش ارمان بولدى. بٸرٸنشٸسٸ: ٶز ەلٸمدٸ بەيبٸت ٶمٸرگە جەتكٸزۋ, بٸراق ول ٷشٸن كٶپ قان تٶگٸلدٸ. ەكٸنشٸسٸ: مەن حالقىم ٷشٸن قالا تۇرعىزا المادىم. ٷشٸنشٸسٸ: بٷكٸل حالىقتى سوڭىنا دەيٸن بٸرٸكتٸرە المادىم”.
ابىلاي حاننىڭ ارمانى بٷگٸنگٸ قازاقستاندا ورىندالدى.
ونى ەشقانداي حان ورىنداي المادى, بٸراق العاشقى زاڭدى سايلانعان پرەزيدەنت ورىندادى. بٸزدٸڭ ەرجٷرەك, قايسار حالقىمىز پرەزيدەنتپەن بٸرگە 25 جىل ٸشٸندە عاسىرعا بەرگٸسٸز جۇمىس اتقارا الدى. بۇل بٸزدٸڭ ۇلى, كەز-كەلگەن يگٸ ٸسكە يكەمدٸ حالىق ەكەنٸمٸزدٸ انىق اڭعارتادى. اللاعا شٷكٸر, قازاقتا وسىنداي كٶشباسشى بار. ابىلاي حاننىڭ ٶزٸ قازٸرگٸ زاماندى كٶرسە پرەزيدەنتپەن ماقتانار ەدٸ”, – دەيدٸ ول.
نەمەرەسٸ سٶز سوڭىندا “اتا سٸزدٸ تۋعان كٷنٸڭٸزبەن قۇتتىقتايمىن! سٸزگە زور دەنساۋلىق تٸلەيمٸن. اللا-تاعالا سٸزگە ەڭ ۇزاق ٶمٸر بەرسٸن!”, – دەپ اياقتايدى.
