ايماعامبەتوۆ: «مەكتەپتەردە جاڭاجىلدىق ءىس-شارالار وتكىزىلمەيدى»

Dalanews 03 جەلت. 2021 03:00 618

ق ر عىلىم جانە ءبىلىم ءمينيسترى اسحات ايماعامبەتوۆ مەكتەپتەردە بۇقارالىق ءىس-شارالاردى وتكىزۋگە قاتىستى سۇراققا جاۋاپ بەرىپ، بيىل ءبىلىم وردالارىندا جاڭا جىلدىق مەكەرەلىك شارالار ۇيىمداستىرىلمايتىنىن ايتتى، – دەپ حابارلايدى Dalanews.kz.

ءوز كەزىگىندە ق ر باس سانيتار دارىگەرى ەرلان قياسوۆ كوروناۆيرۋس ينفەكسياسىنىڭ «وميكرون» شتامى قازاقستان اۋماعىندا تارالماۋىنا ارنالعان جاڭا قاۋلى جاريالاعان بولاتىن. ايماعامبەتوۆ وسى قاۋلىعا سۇيەنىپ، ويىن بىلايشا ساباقتادى:

– ەرتەڭگىلىكتەر مەن وزگە دە بۇقارالىق ءىس-شارالار مەكتەپتەردە وتكىزىلمەيدى. وسى ورايدا باس سانيتار دارىگەرىنىڭ شەشىمى بولعاندىقتان، ءبىز ونى ورىنداۋعا مىندەتتىمىز. سوندىقتان ەرتەڭگىلىكتەر مەن باسقا دا مەرەكەلىك جيىندار مەكتەپتە ۇيىمداستىرىلمايدى، – دەدى اسحات ايماعامبەتوۆ.


ءمينيستردىڭ ايتۋىنشا، ءبىر سىنىپتىڭ ىشىندە مەرەكەنى وتكىزۋ تۋرالى شەشىم مەكتەپ اكىمشىلىگى دەڭگەيىندە قابىلدانادى. سونىمەن قاتار تىلشىلەر «وميكرون» شتامىنىڭ تارالۋىنا بايلانىستى وقۋشىلاردى قاشىقتان وقىتۋعا اۋىستىرۋ مۇمكىندىگى تۋرالى سۇرادى. «قازىرگى كەزدە بۇل جايىندا ايتۋ ەرتەرەك. ءبىز ۆەدومستۆوارالىق كوميسسيانىڭ شەشىمى اياسىندا جۇمىس ىستەيمىز. قازىرگى ۋاقىتتا قورىتىندى شىعارۋ ءۇشىن مالىمەتتەر جەتكىلىكسىز بولىپ تۇر» دەدى مينيستر.

ۇسىنىلعان
سوڭعى جاڭالىقتار