قۇرداستارىنىڭ مازاق قىلۋىنان كەيىن وزىنە-وزى قول جۇمساماق بولعان 9 جاسار وقۋشىنىڭ وقيعاداسىنان كەيىن سول مەكتەپتىڭ ديرەكتورى ونىڭ اتا-اناسىنا 200 مىڭ تەڭگە پارا ۇسىنعان.
«ءقازىر كوميسسيا جۇمىس ىستەپ جاتىر. مۇندا ماسەلەنىڭ انىق-قانىعىنا جەتۋ كەرەك. ەگەر ءسىز ايتىپ وتىرعان نارسە راستالسا، بۇل – قىلمىستىق ءىس. سوندىقتان بەيتاراپ تەرگەۋ قاجەت، ناتيجەسىندە وسى توتەنشە جاعدايعا كىنالى بارلىق ادامدارعا قاتىستى قاتاڭ شارالار قابىلدانۋى ءتيىس»، – دەدى ايماعامبەتوۆ ءماجىلىس كۋلۋارىندا.
ول سونداي-اق بۋللينگ جانە بالالاردىڭ قۇقىقتارىن قورعاۋ ماسەلەسى ءبىرقاتار كەشەندى شارالاردى قاجەت ەتەتىنىن اتاپ، مەكتەپتەردە پسيحولوگتار شتاتىن كەڭەيتۋ جوسپارلانىپ وتىرعانىن مالىمدەدى. دەپۋتاتتىڭ ايتۋىنشا، ءقازىر ءار مامانعا 1-1،5 مىڭ وقۋشىدان كەلەدى.
«كەيبىرەۋلەر بالالار پسيحولوگتارعا بارمايدى دەيدى، ءبىراق قازىرگى بالالار باسقاشا. بالالاردا الەۋمەتتەنۋ جانە اقپاراتتى تۇتىنۋ پروبلەمالارى بار. سوندىقتان ءبىز پسيحولوگتار شتاتىن ۇلعايتۋ مىندەتىن قويىپ وتىرمىز»، – دەدى دەپۋتات.
