Qurdastarynyń mazaq qylýynan keiin ózine-ózi qol jumsamaq bolǵan 9 jasar oqýshynyń oqiǵadasynan keiin sol mekteptiń direktory onyń ata-anasyna 200 myń teńge para usynǵan.
«Qazir komissiia jumys istep jatyr. Munda máseleniń anyq-qanyǵyna jetý kerek. Eger siz aityp otyrǵan nárse rastalsa, bul – qylmystyq is. Sondyqtan beitarap tergeý qajet, nátijesinde osy tótenshe jaǵdaiǵa kináli barlyq adamdarǵa qatysty qatań sharalar qabyldanýy tiis», – dedi Aimaǵambetov májilis kýlýarynda.
Ol sondai-aq býlling jáne balalardyń quqyqtaryn qorǵaý máselesi birqatar keshendi sharalardy qajet etetinin atap, mektepterde psihologtar shtatyn keńeitý josparlanyp otyrǵanyn málimdedi. Depýtattyń aitýynsha, qazir ár mamanǵa 1-1,5 myń oqýshydan keledi.
«Keibireýler balalar psihologtarǵa barmaidy deidi, biraq qazirgi balalar basqasha. Balalarda áleýmettený jáne aqparatty tutyný problemalary bar. Sondyqtan biz psihologtar shtatyn ulǵaitý mindetin qoiyp otyrmyz», – dedi depýtat.
