مىسىر, لاتۆييا, مەكسيكا جەنە رەسەيگە كٸرۋدٸڭ جاڭارتىلعان شارتتارى جارييالاندى, دەپ حابارلايدى Dalanews.kz.
لاتۆييا رەسپۋبليكاسى
لاتۆييا رەسپۋبليكاسى سىرتقى ٸستەر مينيسترلٸگٸنٸڭ رەسمي اقپاراتىنا سٷيەنسەك, 2025 جىلعى 1 قىركٷيەكتەن باستاپ لاتۆيياعا كٸرۋدٸڭ جاڭا تەرتٸبٸ كٷشٸنە ەندٸ. لاتۆييادا تۇرۋعا ىقتييارحاتى نەمەسە ۇلتتىق ۆيزاسى جوق قازاقستان ازاماتتارى لاتۆيياعا كەلۋدەن كەمٸندە 48 ساعات بۇرىن eta.gov.lv پورتالى ارقىلى ٶتٸنٸم بەرۋگە مٸندەتتٸ.
ٶتٸنٸمدە ساپاردىڭ ماقساتى, مەرزٸمٸ مەن ورنى, باعىتى, بايلانىس دەرەكتەرٸ, سونداي-اق, ٶتٸنٸش بەرۋشٸ مەن ونىڭ جاقىن تۋىستارىنىڭ مەملەكەتتٸك نەمەسە كٷشتٸك قۇرىلىمداردا قىزمەت اتقارعانى تۋرالى مەلٸمەتتەر كٶرسەتٸلەدٸ.
اقپارات بەرٸلمەگەن نەمەسە جالعان مەلٸمەت ۇسىنىلعان جاعدايدا 2 000 ەۋروعا دەيٸن ايىپپۇل سالىنادى. ديپلوماتتار مەن ديپلوماتييالىق ٶكٸلدٸكتەرگە قىسقا مەرزٸمدٸ قىزمەتتٸك ساپارمەن باراتىن تۇلعالار بۇل ەرەجەدەن بوساتىلادى. مەلٸمەت جٸبەرٸلگەننەن كەيٸن جٷيە راستاۋ تۋرالى اقپاراتتى ەلەكترون پوشتاعا جولدايدى.
مىسىر اراب رەسپۋبليكاسى
مىسىر اراب رەسپۋبليكاسىنىڭ استاناداعى ەلشٸلٸگٸنٸڭ رەسمي اقپاراتىنا سەيكەس 2025 جىلعى 1 قازاننان باستاپ قازاقستان ازاماتتارىنا قاتىستى ۆيزالىق رەجيمگە ەنگٸزٸلگەن جاڭا تالاپتار كٷشٸنە ەنگەن.
جاڭا تەرتٸپكە سەيكەس 21 جاسقا تولماعان قازاقستاندىقتار اتا-اناسىنىڭ بٸرەۋٸنٸڭ (ەكەسٸ نەمەسە اناسى) بٸرگە جٷرۋٸنسٸز مىسىر اۋماعىنا كٸرە المايدى; 21 جاسقا تولعان ازاماتتار مىسىرعا تۋريستٸك ساپارمەن بارعاندا ساپار تەك شارم اش-شەيح ايماعىمەن شەكتەلٸپ, 15 كٷننەن اسپايتىن بولسا, ۆيزانى شارم اش-شەيح حالىقارالىق ەۋەجايىندا رەسٸمدەي الادى; كاير, حۋرگادا نەمەسە مىسىردىڭ باسقا قالالارىنا بارۋدى جوسپارلاعان ازاماتتار ساپار الدىندا قازاقستانداعى مىسىر ەلشٸلٸگٸنەن ۆيزا الۋعا تيٸس.
مەكسيكا
مەكسيكا ٷكٸمەتٸنٸڭ رەسمي پورتالىندا جارييالانعان ۇلتتىق كٶشٸ-قون ينستيتۋتىنىڭ اقپاراتىنا سەيكەس قازاقستان ازاماتتارىندا اقش, كانادا, ۇلىبريتانييا, جاپونييا نەمەسە شەنگەن ايماعىنا مٷشە ەلدەردٸڭ جارامدى كٶپ مەرتەلٸك ۆيزاسى بولسا, ولار مەكسيكاعا مەكسيكالىق ۆيزاسىز كٸرە الادى.
بۇل جاعدايدا تۋريزم, ترانزيت نەمەسە تابىس ەكەلمەيتٸن ٸسكەرلٸك ساپارلار ماقساتىندا ەلگە 180 كٷنگە دەيٸن كٸرۋگە رۇقسات بەرٸلەدٸ. ۆيزا ساپاردىڭ بارلىق مەرزٸمٸندە جارامدى بولۋعا تيٸس.
ەگەر مۇنداي ۆيزالار بولماسا, ازاماتتار مەكسيكالىق ۆيزانى الدىن الا كونسۋلدىقتان الۋى قاجەت.
رەسەي فەدەراتسيياسى
1996 جىلعى 15 تامىزداعى № 114-فز "رەسەي فەدەراتسيياسىنان شىعۋ جەنە رەسەي فەدەراتسيياسىنا كٸرۋ تەرتٸبٸ تۋرالى" جەنە 2008 جىلعى 3 جەلتوقسانداعى № 242-فز "رەسەي فەدەراتسيياسىندا مەملەكەتتٸك گەنومدىق تٸركەۋ تۋرالى" فەدەرالدىق زاڭدارىنا سەيكەس شەتەلدٸك ازاماتتار مەن ازاماتتىعى جوق ادامدار ٷشٸن رەسەي فەدەراتسيياسىنا كٸرۋ جەنە شىعۋ ەرەجەلەرٸ مەن شارتتارىن سىناقتان ٶتكٸزۋ جٶنٸندەگٸ ەكسپەريمەنت ەنگٸزٸلٸپ جاتىر.
ەكسپەريمەنت ەكٸ كەزەڭنەن تۇرادى:
بٸرٸنشٸ كەزەڭ: 2024 جىلعى جەلتوقساننان باستاپ 2026 جىلعى 30 ماۋسىمعا دەيٸن مەسكەۋ ەۋەجايلارىندا (شەرەمەتەۆو, دومودەدوۆو, ۆنۋكوۆو, جۋكوۆسكيي), سونداي-اق, ورىنبور وبلىسىنداعى "ماشتاكوۆو" اۆتوموبيل ٶتكٸزۋ پۋنكتٸندە ٶتكٸزٸلەدٸ. بۇل كەزەڭدە شەتەلدٸك ازاماتتاردىڭ بيومەترييالىق دەرەكتەرٸ جينالادى.
ەكٸنشٸ كەزەڭ: 2025 جىلعى 30 ماۋسىمنان باستاپ 2026 جىلعى 30 ماۋسىمعا دەيٸن رەسەي فەدەراتسيياسىنىڭ بارلىق ٶتكٸزۋ پۋنكتٸندە قولدانىلادى. ۆيزاسىز رەجيممەن كٸرەتٸن شەتەلدٸك ازاماتتار ساپارعا شىعۋدان كەمٸندە 72 ساعات بۇرىن (شۇعىل جاعدايلاردا 4 ساعات بۇرىن) ruID قوسىمشاسى ارقىلى كٸرۋ جەنە ەلدە بولۋ ماقساتىن كٶرسەتۋگە تيٸس.
قازٸر ruID قوسىمشاسى ارقىلى اقپارات جولداۋ ەرٸكتٸ سيپاتتا. قر ازاماتتارى ٶتٸنٸش بەرمەي-اق رەسەيگە كٸرە الادى.
