ايگىلى ناگاتا ەسەبىن شەشكەن بەلگىلى ماتەماتيك ۋالباي ومىربايەۆ تۇركىستان قالاسىندا ءوز مەكتەبىن اشادى. بۇل تۋرالى تۇركىستان وبلىسىنىڭ اكىمى ءومىرزاق شوكەيەۆپەن كەزدەسۋدە ءمالىم بولدى. باسقوسۋدا ءوڭىر باسشىسى ق ر مەملەكەتتىك جانە امەريكا ماتەماتيكا قوعامىنىڭ جوعارى دارەجەلى «مۋر» سىيلىقتارىنىڭ يەگەرى ۋالباي ۇتماحانبەتۇلىنا وتاندىق عالىم رەتىندە الەمدىك عىلىمعا قوسقان ۇلەسى ءۇشىن العىس ءبىلدىردى.

– ەكونوميكا، ءوندىرىس سالالارى ماتەماتيكا عىلىمىمەن تىعىز بايلانىستا داميدى. عالىمداردىڭ عىلىمي جاڭالىقتارىنىڭ ارقاسىندا ءونىم ارتادى. ناگاتا، كون سىندى ايگىلى ماتەماتيكتەردىڭ ەسەبىن شەشكەن وزىڭىزدەي الەمگە تانىمال عالىمداردىڭ ەلدەن شىعىپ، الەمگە كۇللى قازاقستاندى تانىتىپ جاتقاندىعى ءبىزدى قۋانتادى. ەندى تۋعان جەرگە تۋ تىگىپ، تۇركىستان وبلىسىندا، ونىڭ ىشىندە تۇركىستان قالاسىندا ءوز مەكتەبىڭىزدى قالىپتاستىرىپ، اۋىلدان شىققان تالانتتى بالالارىمىزدى قولداۋىمىز قاجەت، – دەدى ءومىرزاق ەستاي ۇلى.

ءوز كەزەگىندە ءسوز العان ۋالباي ۇتماحانبەت ۇلى ۇسىنىسقا قولداۋ ءبىلدىرىپ، الداعى ۋاقىتتا ءوڭىر وقۋشىلارىنا ۇدايى ينتەراكتيۆتى جۇيەمەن ماتەماتيكا ساباعىن جۇرگىزەتىنىن ايتتى. سونداي-اق، عالىم تۇركىستان قالاسىنان ارنايى جوعارى ماتەماتيكالىق مەكتەپ اشۋعا نيەتتى ەكەندىگىن جەتكىزدى.

ۋالباي ومىربايەۆ – ق ر ۇعا كوررەسپوندەنت مۇشەسى، فيزيكا-ماتەماتيكا عىلىمدارىنىڭ دوكتورى، پروفەسسور. 1977-1982 جىلدارى ءنوۆوسىبىر مەملەكەتتىك ۋنيۆەرسيتەتىنىڭ اسپيرانتۋراسىندا ءبىلىم العان. الەمدەگى وزىق جوعارى وقۋ ورىندارىندا ءدارىس وقىپ كەلەدى. 1972 جىلدان بەرى شەشىمىن تاپپاي كەلە جاتقان جاپون عالامى م.ناگاتانىڭ ەسەبىن 2001 جىلى، اعىلشىن ماتەماتيگى پ.كوننىڭ ەسەبىن 2004 جىلى شەشتى. بۇگىندە اقش-تا دەترويت شتاتىنىڭ ۋەين ۋنيۆەسيتەتىندە ءدارىس بەرەدى.

 

تۇركىستان وبلىسى اكىمنىڭ باسپا ءسوز قىزمەتى