"ايەلدى تاسپەن ۇرعان". يراننىڭ قۇپياسىن اشىپ قويعان ايەل بوستاندىققا شىقتى

Dalanews 04 قاڭ. 2017 03:32 538



اباقتىدا وتىرعان يران بەلسەندىسى اراش سادەحي ايەلىن بوستاندىققا شىعارعان سوڭ اشتىق جاريالاۋىن توقتاتتى. ول 24 قازان ايىنان بەرى ايەلى، جازۋشى جانە قۇقىق قورعاۋشى گولروح ەبراحيميدى قاماۋعا العاننان كەيىن اشتىق جاريالاعان.






ونىڭ ءوزى 3 قاڭتاردا كەپىلمەن ۋاقىتشا بوساتىلعانىن حابارلادى. ەبراحيمي قازان ايىندا يراننىڭ تاريحىندا تاسپەن ۇراتىن تاجىريبە بولعانى جونىندە ماتەريال جازعاننان كەيىن قاماۋعا الىنعان. ءبىراق ماقالا جاريالانباعان.

كەيىنىرەك ول «يسلامدى بالاعاتتاردى» دەپ ايىپتالدى. Amnesty International بۇل وقيعانى «ادىلەتسىزدىك» دەپ اتادى. ەبراحيمي بوساتىلعاننان كەيىن كۇيەۋىمەن كەزدەسكەنىن حابارلادى. ونىڭ سوزىنشە، ەكى ايدان استام اشتىق جاريالاعان كۇيەۋىنىڭ جاعدايى وتە ناشار.

سادەحيدى قولداپ، ونىڭ دەنساۋلىعىنا الاڭداپ بىرنەشە رەت ونلاين-كامپانيا وتكەن. 2 قاڭتاردا ونداعان ادام «ەۆين» تەگەرەندىق تۇرمەنىڭ الدىندا ەرلى-زايىپتىلاردى بوستاندىققا شىعارۋدى تالاپ ەتىپ اكسيا ءوتتى. سادەحي فيلوسوفيا فاكۋلتەتىنىڭ ستۋدەنتى. ول «ۇلتتىق قاۋىپسىزدىككە قارسى كەلىسىم جاسادى»، «مەملەكەتكە قارسى ناسيحات جۇرگىزدى»، «كيبەركەڭىستىك جونىندە جالعان اقپارات تاراتتى» جانە «يسلام رەسپۋبليكاسىنىڭ نەگىزىن قالاعان اياتوللا رۋحوللا حومەينيگە ءتىل تيگىزدى» دەگەن ايىپتارمەن 15 جىل تۇرمە جازاسىن وتەپ جاتىر.





ۇسىنىلعان
سوڭعى جاڭالىقتار