Abaqtyda otyrǵan Iran belsendisi Arash Sadehı áıelin bostandyqqa shyǵarǵan soń ashtyq jarıalaýyn toqtatty. Ol 24 qazan aıynan beri áıeli, jazýshy jáne quqyq qorǵaýshy Golroh Ebrahımıdi qamaýǵa alǵannan keıin ashtyq jarıalaǵan.
Onyń ózi 3 qańtarda kepilmen ýaqytsha bosatylǵanyn habarlady. Ebrahımı qazan aıynda Irannyń tarıhynda taspen uratyn tájirıbe bolǵany jóninde materıal jazǵannan keıin qamaýǵa alynǵan. Biraq maqala jarıalanbaǵan.
Keıinirek ol «ıslamdy balaǵattardy» dep aıyptaldy. Amnesty International bul oqıǵany «ádiletsizdik» dep atady. Ebrahımı bosatylǵannan keıin kúıeýimen kezdeskenin habarlady. Onyń sózinshe, eki aıdan astam ashtyq jarıalaǵan kúıeýiniń jaǵdaıy óte nashar.
Sadehıdi qoldap, onyń densaýlyǵyna alańdap birneshe ret onlaın-kampanıa ótken. 2 qańtarda ondaǵan adam «Evın» tegerendyq túrmeniń aldynda erli-zaıyptylardy bostandyqqa shyǵarýdy talap etip aksıa ótti. Sadehı fılosofıa fakúltetiniń stýdenti. Ol «ulttyq qaýipsizdikke qarsy kelisim jasady», «memleketke qarsy nasıhat júrgizdi», «kıberkeńistik jóninde jalǵan aqparat taratty» jáne «Islam respýblıkasynyń negizin qalaǵan aıatolla Rýholla Homeınıge til tıgizdi» degen aıyptarmen 15 jyl túrme jazasyn ótep jatyr.
