ق ر پرەمەر-مينيسترىنىڭ ورىنباسارى- مادەنيەت جانە اقپارات ءمينيسترى ايدا بالايەۆا كينوجوبالار كونكۋرسى باستالعانىن مالىمدەدى، دەپ حابارلايدى Dalanews.kz.
“مەملەكەت باسشىسى قاسىم-جومارت كەمەل ۇلى توقايەۆتىڭ ساپالى جانە رۋحاني تاربيەلىك ءمانى بار كينو جاساۋ تۋرالى تاپسىرماسىنا سايكەس جۇزەگە اسىپ جاتقان جىل سايىنعى كينوجوبالار كونكۋرسى بۇگىن باستالدى”-دەدى ول.
ايدا بالايەۆانىڭ ايتۋىنشا، ىرىكتەۋدىڭ باسىم تاقىرىپتارى ۇلتتىق كينونى قولداۋ مەملەكەتتىك ورتالىعىنىڭ سايتىندا جاريالاندى. بيىل تۋعان جەر، وتباسى، سالاۋاتتى ءومىر سالتى، ۇلتتىق قۇندىلىقتار، ەڭبەك، زاڭ، ءتارتىپ، تابيعات، عارىش، تۋريزم سياقتى جان-جاقتى تاقىرىپتار لەگى ۇسىنىلىپ وتىر.
ماڭىزدى جاڭالىقتاردىڭ ءبىرى – ىرىكتەۋ جاساندى ينتەللەكتتىڭ كومەگىمەن وتكىزىلەدى. بۇل اشىقتىق پەن شەشىم قابىلداۋداعى اشىقتىق پەن ادىلدىكتى قامتاماسىز ەتۋگە كومەكتەسەدى.
“ەرەجەگە سايكەس ءبىرىنشى كەزەڭدە تەك سەنارييلەر مەن سەناريي جوسپارلارى قابىلدانادى. ەكىنشى كەزەڭدە قۇجاتتار توپتاماسىنىڭ تولىق سايكەستىگى تەكسەرىلەدى. ال اشىق قورعاۋ مەن پيچينگ كەزەڭى ونلاين كورسەتىلىم ارقىلى وتەدى.
كونكۋرس ناتيجەسىندە مەملەكەتتىك قولداۋ تاپقان جوبالاردىڭ 70 پايىزى جاس رەجيسسەرلەردىڭ تۋىندىلارى ەكەنى ەرەكشە قۋانتادى.
ساپالى، ساۋاتتى فيلمدەر تۇسىرگىسى كەلەتىن اۆتورلارعا ساتتىلىك تىلەيمىن!”-دەپ اتاپ ءوتتى ايدا بالايەۆا.
