– ينتەرنەتتىڭ بەلسەندى دامۋىمەن بىرگە الەم كيبەربۋللينگ پروبلەماسىنا دا تاپ بولدى. كەز كەلگەن قۋدالاۋ سياقتى، كيبەربۋللينگ تە – زاڭ جۇزىندە توقتاتىلۋى قاجەت اگرەسسيانىڭ ءبىر ءتۇرى.
ارينە، مينيسترلىك بۇل باعىتتا جوسپارلى جۇمىستار جۇرگىزىپ جاتىر. ءبىز الەۋمەتتىك جەلىلەردىڭ ىشكى ەرەجەلەرىن قۇرمەتتەيمىز. ادامنىڭ ار-نامىسى مەن قادىر-قاسيەتىنە نۇقسان كەلتىرەتىن زاڭعا قايشى كونتەنت اشىق قولجەتىمدىكتە بولماۋى ءتيىس.
بۇۇ قارارىمەن قابىلدانعان ادام قۇقىقتارىنىڭ جالپىعا بىردەي دەكلاراسياسىنىڭ كىرىسپەسى ءدال وسى قۇندىلىقتاردان باستالادى، – دەدى مينيستر فورۋمنىڭ «پاندەميا الەمدى قالاي وزگەرتتى جانە جاھاندىق ءومىر ءسۇرۋدىڭ جاڭا باعىتتارىن قالاي انىقتادى؟» سەسسياسىندا.
ايتا كەتەيىك، بۇگىن نۇر-سۇلتاندا XVII ەۋرازيالىق مەديا فورۋمنىڭ جۇمىسى رەسمي تۇردە اشىلدى. فورۋم 17 قىركۇيەككە دەيىن جالعاسادى. بۇعان دەيىن اقپارات جانە قوعامدىق دامۋ ءمينيسترى پاندەميانىڭ قوعامعا قالاي ىقپال ەتكەنىن ايتقان ەدى.
