كەزدەسۋدە قور قاراجاتىنىڭ قايدا جۇمسالاتىنى ءسوز بولدى. پاندەميا كەزىندەگى مەدساقتاندىرۋدىڭ جۇمىس جۇيەسى باياندالدى.
جۇماعۇلوۆ الەۋمەتتىك جەلىدە تاراعان اۋلەتتەگى كولىك سانىنا قاتىستى مالىمەتكە پىكىر ءبىلدىرىپ، مۇنىڭ وسىدان 13 جىل بۇرىن، 2007 جىلى بولعانىن، ول كەزدە مەمقىزمەتتە جۇمىس ىستەمەگەنىن ايتتى.
ال جازبانىڭ ءوزى زاماننىڭ كەڭ كەزىندە وسىدان 4 جىل بۇرىن جاريالانعان ەكەن.
"ىندەت كەزىندە حالىقتىڭ توي-تومالاق پەن سىي-سياپاتتى ويلايتىن مۇرشاسى جوق. سوعان قاراماي كەيبىرەۋلەر الەۋمەتتىك جەلىدە وسىدان 4 جىل بۇرىن جاريالانعان جازبانى تاۋىپ الىپ، جۇرتتان ءسۇيىنشى سۇراپتى. بۇل تىرناق استىنان كىر ىزدەۋ. ءيا، حالىقتىڭ نارازىلىعىن تۇسىنەمىن، مۇنداي دۇنيە مەنىڭ دە اشۋ-ىزاما تيەر ەدى. ايتكەنمەن بۇل وتە ۇيات ارەكەت. ءبىزدىڭ وتباسىدا تەك ءبىر كولىك بار"، – دەيدى جۇماعۇلوۆ.
ءتوراعانىڭ ايتۋىنشا ايەلىنە ءبىر ساتتە بىرنەشە كولىك اپەرمەگەن، ولاردى ۋاقىت وتە اۋىستىرىپ وتىرعان.
"وتاسقانىمىزعا 25 جىل تولدى. كولىك اۋىستىرۋ دا زاڭدىلىق قوي" دەيدى جۇماعۇلوۆ.
ساقتاندىرۋ قورىنىڭ باسشىسى حالىقتان قاشپايتىنىن، ديالوگ ورناتۋعا ءازىر ەكەنىن ايتادى.
بۇدان بۇرىن بەلسەندى گۇلبانۋ ابەنوۆا Facebook الەۋمەتتىك جەلىسىندەگى پاراقشاسىندا مەديسينالىق ساقتاندىرۋ قورىنىڭ باسشىسى ايباتىر جۇماعۇلوۆتىڭ ايەلىنىڭ جەكە پاراقشاسىنان سكرينشوتتار جاريالاعان.
"ال وسى ۋاقىتتا مەديسينالىق ساقتاندىرۋ قورى باسشىسىنىڭ بايبىشەسى ءوزىنىڭ جازىلۋشىلارىنىڭ الدىندا كۇيەۋىنىڭ ۋادە بەرگەن 10 كولىك ەمەس، 12 كولىك سىيلاعانىن ايتىپ ماقتانىپ جاتىر"، - دەپ جازدى گۇلبانۋ ابەنوۆا.
بۇل ءامسق باسشىسى جۇبايىنىڭ كوپشىلىكتىڭ نازارىنا ىلىككە ءبىرىنشى جازباسى ەمەس، دەيدى گۇلبانۋ ابەنوۆا. بەلسەندىنىڭ ايتۋىنشا، ول 2 ايدان بەرى قوردىڭ جۇمىسىن قاداعالاپ كەلەدى. بۇعان دەيىن گۇلبارشىن زايروۆا الەۋمەتتىك جەلىلەردە ۇلكەن ءۇيىن كورسەتىپ، ماقتانعان. جەلى قولدانۋشىلارىنىڭ نارازىلىعىنان كەيىن حابارلاما جويىلىپ، جۋرناليست پەن تەلەجۇرگىزۋشى گۇلبارشىن زايروۆانىڭ پاراقشاسى Instagram-نان جوعالىپ كەتتى. بۇل جولى دا ءدال سولاي بولدى. تەلەجۇرگىزۋشىنىڭ پاراقشاسىن تابۋ مۇمكىن بولمادى.
ءبىراق ساقتالعان سكرينشوتتاردا ءامسق باسشىسىنىڭ جۇبايى گۇلبارشىن زايروۆا ءوزىنىڭ جەكە ءومىرىنىڭ ەگجەي-تەگجەيلەرىمەن بولىسكەن. ونىڭ بەلگىلى رەسپۋبليكالىق ارنانىڭ تەلەجۇرگىزۋشىسى ەكەنى بەلگىلى.
