جينالعان كاسىپكەرلەر ايماقتىڭ باس سانيتارلىق دارىگەرىنىڭ شەكتەۋ شارالارىن كۇشەيتۋ تۋرالى قاۋلىسىنا قاتىستى پىكىرلەرىن ايتىپ، بيزنەس نىساندارىنىڭ الداعى ۋاقىتتاعى جۇمىس بارىسىن بەلگىلەدى.
بۇگىنگى تاڭدا وبلىستا 12 ماۋسىمعا ساي كوروناۆيرۋستىڭ 234 جاعدايى، ونىڭ 162ء-سى سەمەي قالاسىندا تىركەلگەن.
سوڭعى ون كۇننىڭ ىشىندە قالادا 56 جاعداي ورىن العان، وبلىستا اۋرۋدىڭ ءوسۋ دەڭگەيى 4،1%- دى قۇراپ وتىر.
سەمەيدەگى ىندەتتىڭ تارالۋى اۋقىمى باقىلاۋعا باعىنباي وتىر. وڭىردەگى ۆيرۋس جۇقتىرعانداردىڭ 70 پايىزى وسى قالاعا تيەسىلى.
وبلىستىڭ باس سانيتارلىق دارىگەرى مارات يسمايلوۆتىڭ ايتۋىنشا، بارلىعى 27 ءۇي وشاعىندا 82 ادام، ونىڭ ىشىندە ءبىر وشاقتا 12 ادام، بەس وشاقتا 4-تەن، التى وشاقتا 3-تەن، ون التى وشاقتا 2-دەن اۋىرعان. جانە دە ۆيرۋستىڭ ەش بەلگىسىز تارالۋ سانى ارتىپ كەلەدى. سەمەيدە ۆيرۋس بەلگىلەرى بايقالمايتىن 103 ادام باقىلاۋعا الىنعان.
قالا كاسىپورىندارىندا جاپپاي ىندەت جۇقتىرۋ جاعدايلارى دا بار. مىسالى، سەمەي قالاسىنىڭ تەرى-ۆەنەرولوگيالىق ديسپانسەرىندە 37 جاعداي، "كازپوليگراف" ج ش س قىزمەتكەرلەرى اراسىندا 27 جاعداي، سونداي-اق قارىم-قاتىناس بايلانىسىندا بولعان 15 جاعداي تىركەلگەن.
- ەڭ قيىن جاعداي سەمەي قالاسىندا. مۇندا تۇرعىنداردىڭ ۆيرۋستى جاپپاي جۇقتىرۋ دەڭگەيى كۇن ساناپ كوبەيۋدە. وسىعان دەيىن اتاپ وتكەنىمدەي، بۇعان سەبەپ، ەڭ ءبىرىنشى، جاۋاپتى ورگانداردىڭ ءوز ىسىنە سالعىرت قاراۋى، باقىلاۋدىڭ جوقتىعى، سونداي-اق، تۇرعىنداردىڭ ءتارتىپتى ساقتاماۋى. قاراپايىم ەرەجەلەردىڭ ءوزىن ورەسكەل بۇزىپ وتىر، - دەدى بيزنەسمەندەردىڭ نازارىن اۋدارعان ءوڭىر باسشىسى دانيال احمەتوۆ.
سوڭعى جاعدايدى ەسكەرە وتىرىپ، بيزنەس قوعامداستىقتارىمەن بىرلەسكەن ورتاق شەشىم قابىلداندى. بۇگىننەن باستاپ كاسىپكەرلەردىڭ ۇسىنىسىمەن سەمەيدە مونيتورينگتىك توپ قۇرىلدى. ولار ەندى سانيتارلىق-ەپيدەميولوگيالىق تالاپتاردىڭ ورىندالۋ بارىسىن وزدەرى باقىلاۋعا الادى.
ء-قازىر ءبىزدىڭ الدىمىزدا تۇرعان باستى مىندەت - ازاماتتارىمىزدىڭ دەنساۋلىعى مەن ءومىرىن ساقتاۋ ەكەنىن ەستەن شىعارمايىق، - دەدى جيىن سوڭىن قورتىندىلاعان دانيال احمەتوۆ.
جالپى، وبلىس بويىنشا 151 ينفەكسيا وشاعى باقىلاۋعا الىنعان، 1500 -دەن اسا ادام وقشاۋلانعان. ونىڭ 26-سى كارانتيندىك ستاسيونارعا جاتقىزىلىپ، 1486-سى ءۇي كارانتينىنە جىبەرىلدى.
