شىمكەنتتە قازا تاپقان سارباز دانيار امالبەكوۆتىڭ اكەسى سەرىك امالبەكوۆ اسكەري قىزمەتكەرلەر ۇلىن اۋرۋ دەپ كورسەتۋگە ماجبۇرلەگەنىن جەتكىزدى، دەپ حابارلايدى Dalanews.kz.

“مەنى بىرنەشە ءۇي اراسىنا اپارىپ، كولىككە وتىرعىزىپ، ۆيدەوعا ءتۇسىردى. مەن ولاردىڭ ايتقان سوزدەرىن قايتالاۋعا ءماجبۇر بولدىم”، – دەيدى سەرىك امالبەكوۆ Halyqstan تەلەگرام ارناسىنا بەرگەن سۇحباتىندا.

سونداي-اق مارقۇمنىڭ اتا-اناسى ۇلدارىنىڭ لەيكوز اۋرۋىنا شالدىققانى تۋرالى اقپاراتتى جوققا شىعاردى. ايتۋلارىنشا، مۇنداي مالىمەتتى راستايتىن رەسمي قۇجات جوق.

“پۋنكسيا تەك 5 قاڭتاردا جاسالدى. ال 6 قاڭتاردا ول ومىردەن وزدى. ءبىزدىڭ بالامىزدى ازاپتادى. 11 جەلتوقساننان باستاپ ونى ءتۇرلى اۋرۋحاناعا اپاردىق. بارلىعى ءتورت ستاسيوناردا بولدى، مەملەكەتتىك دە، جەكە دە. ءبىراق نەگە ونى اسكەري گوسپيتالعا باعىتتامادى؟” – دەدى دانياردىڭ اناسى گاۋحار سارسەبايەۆا.

تۋىستارىنىڭ سوزىنشە، لەيكوزعا جۇرگىزىلگەن تالداۋدىڭ ناتيجەلەرى تەك كەلەسى اپتادا دايىن بولادى.

ايتا كەتەيىك، كۇنى كەشە شىمكەنتتە اسكەري بورىشىن وتەۋگە بارعان سارباز قايتىس بولعانى تۋرالى جازعان ەدىك.

شىمكەنت قالاسىنداعى 6506 اسكەري ءبولىمىنىڭ ساربازى دانيار امالبەكوۆ اسكەر قاتارىنا جامبىل وبلىسىنان شاقىرىلعان.

“6 قاڭتاردا ونىڭ جۇرەگى كەنەتتەن توقتاپ قالدى. ول قالالىق اۋرۋحانالاردىڭ بىرىندە قايتىس بولدى. الدىن الا قويىلعان دياگنوز – "جەدەل لەيكەميا"، – دەپ حابارلادى ۇلتتىق ۇلاننىڭ باسپا ءسوز قىزمەتى.

مارقۇمنىڭ تۋىستارى ونىڭ اۋرۋحاناعا تۇسكەنى تۋرالى بىرنەشە اپتادان كەيىن عانا بىلگەنىن ايتادى. العاشىندا "پنيەۆمونيا" دەلىنىپ، كەيىن "ەمدەلىپ شىقتى" دەگەن اقپارات بەرىلگەن.

تۋىستارى "ساۋ بالا اسكەرگە كەتىپ، ءبىر ايدان كەيىن تابىتپەن ورالدى" دەپ وتىر.