بۇگىنگى تاڭدا سايرام اۋدانىنداعى 42 ەلدىمەكەننىڭ 41ء-ى، ياعني، 97،6 پايىزى ورتالىقتاندىرىلعان اۋىز سۋ قۇبىرىمەن قامتاماسىز ەتىلگەن. مانكەنت ەلدىمەكەنىنىڭ ەكىنشى بولىگىن اۋىز سۋمەن قامتاماسىز ەتۋ ءۇشىن جوعارعى بيۋدجەت ەسەبىنەن 2018 جىلعا 690،1 ملن.تەڭگە ءبولىنىپ، جۇمىستار اتقارىلۋدا. 2019 جىلى قۇرىلىس جۇمىستارى اياقتالعان سوڭ، 14،5 مىڭ تۇرعىن ساپالى اۋىز سۋمەن قامتىلادى.

سونىمەن قاتار، قاراسۋ ەلدىمەكەننىڭ اۋىز سۋ جۇيەلەرىنىڭ قۇرىلىسى جۇرگىزىلىپ، 15.06.2018 جىلى پايدالانۋعا تاپسىرىلعان.

قۇدىق سۋىن پايدالانىپ وتىرعان  قۇتارىس اۋىلى قىزىلجار ەلدىمەكەنىن سۋمەن قامتاماسىز ەتۋ ماقساتىندا اۋداندىق بيۋدجەت ەسەبىنەن 3،3 ملن. تەڭگەگە جوبالىق سمەتالىق قۇجات (جسق) دايىندالدى. قۇرىلىسى 2019 جىلعا جوسپارلانۋدا.

ەلدىمەكەندەردى گازداندىرۋ ءىسى بويىنشا دا قارقىندى جۇمىستار جۇرۋدە. قازىرگى تاڭدا اۋداندا 42 ەلدىمەكەننىڭ 19-ى، ياعني، 45،2 پايىزى تابيعي گازبەن قامتىلعان. دامۋ كونسەپسياسىنا سايكەس 2018-2021 جىلدار ارالىعىندا 23 ەلدى مەكەن تۇرعىندارىن تابيعي گازبەن قامتاماسىز ەتىپ، 100 پايىزعا جەتكىزۋ جوسپارلانعان. سونىڭ ىشىندە 2018 جىلى 10 ەلدىمەكەندەگى 22562 تۇرعىندى گازبەن قامتۋ جوسپارلانعان. بيىلعى جىلى 12 ەلدىمەكەندى گازداندىرۋعا 1،9 ملرد.تەڭگە جىل سوڭىنا دەيىن 10 ەلدى مەكەننىڭ قۇرىلىس جۇمىستارى اياقتالىپ، پايدالانۋعا بەرىلەدى دەپ كۇتىلۋدە.



Dalanews.kz