مادەنيەت سارايىنىڭ كىرەبەرىس فويەسىندەاۋدان، قالا، اۋىلدىق وكرۋگتەردەگى قوعامدىق كەلىسىم كەڭەستەرى جەتىستىكتەرىنىڭ كورمەسى ۇيىمداستىرىلدى.
فورۋمدا كىرىسپە ءسوز سويلەگەن وبلىس اكىمىنىڭ ورىنباسارى جاقسىلىق ومار «رۋحاني جاڭعىرۋ» باعدارلاماسى بويىنشا ايماقتا اتقارىلىپ جاتقان جۇمىستارعا قىسقاشا توقتالىپ ءوتىپ، الداعى جوسپارلاردان دا حاباردار ەتتى.وسى جۇمىستارعا قوعامدىق كەلىسىم كەڭەستەرىنىڭ اتسالىسۋىن جانداندىرا ءتۇسۋ قاجەتتىگىن ايتتى.
جيىندا نەگىزگى بايانداما جاساعان وبلىستىق قازاقستان حالقى اسسامبلەياسى ءتوراعاسىنىڭ ورىنباسارى، حاتشىلىق مەڭگەرۋشىسى عابيت تۇرسىنبايدىڭ ايتۋىنشا، بۇگىنگى كۇنى وبلىستا ءتۇرلى دەڭگەيدەگى 627 قوعامدىق كەلىسىم كەڭەستەرى جۇمىس ىستەۋدە.قازاقستان حالقى اسسامبلەياسىنىڭ قوعامدىق كەلىسىم كەڭەستەرىن قۇرۋ ارقىلى ەلىمىزدەگى ازاماتتىق قوعام مەن مەملەكەتتىك مەكەمەلەردىڭ قىزمەتتەرى ءبىر ارناعا توعىستىرىلدى.وتكەن 9 ايدىڭ قورىتىندىسى بويىنشا بارلىق 627 قوعامدىق كەلىسىم كەڭەستەرى وبلىس بويىنشا ءار ءتۇرلى دەڭگەيدەگى 2727 ءىس-شارا وتكىزدى، 409 وزەكتى ماسەلە قارالىپ، وڭ شەشىمىن تاپتى. سونىمەن قاتار قوعامدىق كەلىسىم كەڭەستەرى ءوز قىزمەتىن قوعامدىق باقىلاۋ، مەدياسيا، قايىرىمدىلىق سياقتى اسسامبلەيانىڭ جاڭا مىندەتتەرىمەن تولىقتىرعان. ع. تۇرسىنباي «100 ناقتى قادام» ۇلت جوسپارىنىڭ «ەسەپ بەرەتىن مەملەكەتتى قالىپتاستىرۋ» اتتى بەسىنشى رەفورمانى جۇزەگە اسىرۋعا دايىندىق ءۇشىن قوعامدىق كەلىسىم كەڭەستەرىنىڭ قازىردەن جۇمىس جۇرگىزۋى قاجەت باعىتتارىن اتاپ ءوتتى.
باسقوسۋدا «نۇر وتان» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى ع. سارىبايەۆ، ىلە، كوكسۋ، پانفيلوۆ اۋداندىق قوعامدىق كەلىسىم كەڭەستەرىنىڭ وكىلدەرى جانە تاعى باسقا ازاماتتار ءسوز الدى. ماسەلەن، ىلە اۋدانىندا اتالمىش كەڭەس جۇمىسىنىڭ الدىن الا ءتۇسىندىرۋ جۇمىستارىنىڭ ناتيجەسىندە 20-عا جۋىق كوشەنىڭ اتاۋىن اۋىستىرۋدى حالىق ءتۇسىنىپ قابىلداپ، ءىس وڭ شەشىمىن تاپقان. ال كوكسۋ اۋدانىندا كەڭەستىڭ قاتىسۋىمەن جاسالعان قايىرىمدىلىق شارالارى كوپتەپ سانالادى. ۇيعىر اۋدانىندا قوعامدىق كەلىسىم كەڭەسى مۇشەلەرى جاستاردىڭ جات اعىمداردان ساقتاۋ شارالارىنا بەلسەنە اتسالىسقان. ءار اۋدان-قالانىڭ وسىنداي وزىق تاجىريبەلەرى اتالىپ ءوتىلدى.
جيىندى قورىتىندىلاعان وبلىستىق قازاقستان حالقى اسسامبلەياسى جانىنداعى قوعامدىق كەلىسىم كەڭەسىنىڭ ءتوراعاسى ورالبەك جاقيانوۆ فورۋم سوڭىن «اۋىلىم - التىن قازىنام» كورمەسىنىڭ ۇزدىكتەرىن ماراپاتتاۋ راسىمىمەن اياقتالدى.باس جۇلدە قاراساي اۋدانىنا بەرىلسە، 1ء-شى ورىندى ەڭبەكشىقازاق اۋدانى يەلەندى. ەكىنشى ورىن اقسۋ، ىلە اۋداندارى، 3ء-شى ورىندى كەربۇلاق، پانفيلوۆ اۋداندارى مەن تەكەلى قالاسى الدى. جەڭىمپازدارعا ديپلومدار مەن باعالى سىيلىقتار، بەلسەندى قاتىسقاندارعا العىس حاتتار تابىستالدى.
الماتى وبلىسى اكىمىنىڭ باسپا ءسوز قىزمەتى
https://dalanews.kz/29708
