Mádenıet saraıynyń kireberis foıesindeaýdan, qala, aýyldyq okrýgterdegi Qoǵamdyq kelisim keńesteri jetistikteriniń kórmesi uıymdastyryldy.
Forýmda kirispe sóz sóılegen oblys ákiminiń orynbasary Jaqsylyq Omar «Rýhanı jańǵyrý» baǵdarlamasy boıynsha aımaqta atqarylyp jatqan jumystarǵa qysqasha toqtalyp ótip, aldaǵy josparlardan da habardar etti.Osy jumystarǵa Qoǵamdyq Kelisim keńesteriniń atsalysýyn jandandyra túsý qajettigin aıtty.
Jıynda negizgi baıandama jasaǵan oblystyq Qazaqstan halqy Assambleıasy tóraǵasynyń orynbasary, hatshylyq meńgerýshisi Ǵabıt Tursynbaıdyń aıtýynsha, búgingi kúni oblysta túrli deńgeıdegi 627 qoǵamdyq kelisim keńesteri jumys isteýde.Qazaqstan halqy Assambleıasynyń qoǵamdyq kelisim keńesterin qurý arqyly elimizdegi azamattyq qoǵam men memlekettik mekemelerdiń qyzmetteri bir arnaǵa toǵystyryldy.Ótken 9 aıdyń qorytyndysy boıynsha barlyq 627 qoǵamdyq kelisim keńesteri oblys boıynsha ár túrli deńgeıdegi 2727 is-shara ótkizdi, 409 ózekti másele qaralyp, oń sheshimin tapty. Sonymen qatar qoǵamdyq kelisim keńesteri óz qyzmetin qoǵamdyq baqylaý, medıasıa, qaıyrymdylyq sıaqty Assambleıanyń jańa mindetterimen tolyqtyrǵan. Ǵ. Tursynbaı «100 naqty qadam» Ult josparynyń «Esep beretin memleketti qalyptastyrý» atty besinshi reformany júzege asyrýǵa daıyndyq úshin Qoǵamdyq kelisim keńesteriniń qazirden jumys júrgizýi qajet baǵyttaryn atap ótti.
Basqosýda «Nur Otan» partıasy oblystyq fılıaly tóraǵasynyń birinshi orynbasary Ǵ. Sarybaev, İle, Kóksý, Panfılov aýdandyq Qoǵamdyq kelisim keńesteriniń ókilderi jáne taǵy basqa azamattar sóz aldy. Máselen, İle aýdanynda atalmysh keńes jumysynyń aldyn ala túsindirý jumystarynyń nátıjesinde 20-ǵa jýyq kósheniń ataýyn aýystyrýdy halyq túsinip qabyldap, is oń sheshimin tapqan. Al Kóksý aýdanynda keńestiń qatysýymen jasalǵan qaıyrymdylyq sharalary kóptep sanalady. Uıǵyr aýdanynda Qoǵamdyq kelisim keńesi músheleri jastardyń jat aǵymdardan saqtaý sharalaryna belsene atsalysqan. Ár aýdan-qalanyń osyndaı ozyq tájirıbeleri atalyp ótildi.
Jıyndy qorytyndylaǵan oblystyq Qazaqstan halqy Assambleıasy janyndaǵy Qoǵamdyq kelisim keńesiniń tóraǵasy Oralbek Jaqıanov forým sońyn «Aýylym - altyn qazynam» kórmesiniń úzdikterin marapattaý rásimimen aıaqtaldy.Bas júlde Qarasaı aýdanyna berilse, 1-shi oryndy Eńbekshiqazaq aýdany ıelendi. Ekinshi oryn Aqsý, İle aýdandary, 3-shi oryndy Kerbulaq, Panfılov aýdandary men Tekeli qalasy aldy. Jeńimpazdarǵa dıplomdar men baǵaly syılyqtar, belsendi qatysqandarǵa alǵys hattar tabystaldy.
Almaty oblysy ákiminiń baspasóz qyzmeti
https://dalanews.kz/29708
